ខេត្តមណ្ឌលគិរី ៖ មេបញ្ជាការរងកងរាជអាវុធហត្ត ( PM ) ខេត្តមណ្ឌលគិរី លោក ភោគ ចន្ឋី បានត្រូវក្រុមកម្មករនិងម្ចាស់ឈើចោទប្រកាន់ពីបទរំលោភលើសេចក្តីទុកចិត្តដោយទិញឈើជាង១០០ម៉ែត្រគូបស្មើនឹងទឹកបា្រក់ជាង១ម៉ឺនដុល្លារ តែមិនឲ្យលុយ ។
បើតាមភ្នាក់ងារកោះសន្តិភាពបានស្រង់សំដីក្រុមកម្មករ និងម្ចាស់ឈើ បញ្ជាក់ឲ្យដឹងជំហានដំបូងថា តាមគម្រោងនៅព្រឹកថ្ងៃទី២៣ មេសា ២០១៤នេះ លោក ភោគ ចន្ឋី នឹងចូលខ្លួនមកជួបជជែកគ្នាពីរឿងទិញឈើមិនឲ្យលុយ ប៉ុន្តែមកដល់ម៉ោង១០និង៥០នាទីព្រឹកថ្ងៃពុធនេះ លោកមេបញ្ជាការរងរូបនេះមិនទាន់មានវត្តមានតាមកាលកំណត់ ។ យ៉ាងណាក៏ដោយនៅព្រឹកថ្ងៃទី២៣ មេសា ២០១៤ កោះសន្តិភាពមិនអាចទាក់ទងតាមទូរស័ព្ទ ដើម្បីសុំការបំភ្លឺបានភ្លាមៗនៅឡើយទេពីលោក ភោគ ចន្ឋី ជុំវិញការចោទប្រកាន់ខាងលើនេះ ហើយនឹងធ្វើការតាមដានបន្តទៀត ៕
ចែករំលែកព័តមាននេះ