ខេត្តកំពង់ឆ្នាំង ៖ យុវជន២នាក់រងរបួសធ្ងន់និង៣នាក់ទៀតក្នុងបក្ខពួក៧នាក់ ត្រូវប្រជាការពារភូមិ សហការជាមួយសមត្ថកិច្ចចាប់ខ្លួនក្នុងជម្លោះហិង្សាមួយកើតឡើង កាលពីវេលាម៉ោង១០និង៤០នាទីយប់ថ្ងៃទី១៨ មេសា នៅក្នុងវត្តដំរីស ភូមិជីប្រង ឃុំជៀប ស្រុកទឹកផុស ខណៈពួកគេមានជម្លោះគ្នាពេលរាំធុងបាសក្នុងពិធីបុណ្យចូលឆ្នាំប្រពៃណីខ្មែរ ។
លោកវរសេនីយ៏ត្រី ខែម វិបុល អធិការនគរបាលស្រុកទឹកផុសឱ្យដឹងថា ជនដៃដល់ដែលត្រូវចាប់ខ្លួនទាំង៣នាក់ ក្នុងចំណោមបក្ខពួកគេ៧នាក់នោះគឺ ១-ឈ្មោះ ម៉ៅ ជ្រឹង អាយុ២៣ឆ្នាំ ,២-ឈ្មោះ សុង ដារ៉ូ អាយុ១៩ឆ្នាំ និង៣-ឈ្មោះ ជន ឆៃយ៉ា អាយុ១៨ឆ្នាំ ពួកគេរស់នៅក្នុងភូមិឃុំកើតហេតុខាងលើ។ ចំណែកជនរងគ្រោះទាំង២នាក់នោះ ម្នាក់ឈ្មោះ ភឺន ស៊ីណេត អាយុ២១ឆ្នាំ រស់នៅភូមិឆកកណ្តោល ឃុំជៀប របួសរយះខ្នងដៃខាងស្តាំធ្ងន់ និងម្នាក់ទៀត ឈ្មោះ មុំ សារីម អាយុ២៥ឆ្នាំ រស់នៅភូមិគោកពេញ ឃុំជៀប រងរបួសធ្ងន់បែកក្បាល បាក់ធ្មេញ របួសខ្នង ត្រួវគេដឹកបញ្ជូនទៅសង្គ្រោះនៅមន្ទីរពេទ្យខេត្ត។
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព ។
ចែករំលែកព័តមាននេះ