ខេត្តកំពង់ចាម៖ ក្រោមការណែនាំពីសំណាក់ លោកឧត្តមសេនីយ៏ត្រី បែន រ័ត្ន ស្នងការនគរបាលខេត្ត ក្នុងយុទ្ធនាការបង្ការបង្រ្កាប និងទប់ស្កាត់នូវបទល្មើសនានា សំរាប់ឪកាសបុណ្យចូលឆ្នាំប្រពៃណីជាតិខ្មែរសំដៅពង្រឹងសន្តិសុខនិងសណ្តាប់ធ្នាប់សង្គម ។ កម្លាំងសមត្ថកិច្ច បានចេញប្រតិបត្តិការក្រសោបមនុស្សប្រុសស្រីបានទាំងសំបុកចំនួន១៤នាក់ នៅក្នុងបន្ទប់ផ្ទះសំ
ខេត្តកំពង់ចាម៖ ក្រោមការណែនាំពីសំណាក់ លោកឧត្តមសេនីយ៏ត្រី បែន រ័ត្ន ស្នងការនគរបាលខេត្ត ក្នុងយុទ្ធនាការបង្ការបង្រ្កាប និងទប់ស្កាត់នូវបទល្មើសនានា សំរាប់ឪកាសបុណ្យចូលឆ្នាំប្រពៃណីជាតិខ្មែរសំដៅពង្រឹងសន្តិសុខនិងសណ្តាប់ធ្នាប់សង្គម ។ កម្លាំងសមត្ថកិច្ច បានចេញប្រតិបត្តិការក្រសោបមនុស្សប្រុសស្រីបានទាំងសំបុកចំនួន១៤នាក់ នៅក្នុងបន្ទប់ផ្ទះសំណាក់« តាពេញចិត្ត »កាលពីវេលាម៉ោង៧និង៣០នាទីព្រឹកថ្ងៃទី ១៣ មេសា ២០១៤ ស្ថិតនៅភូមិទី១ សង្កាត់វាលវង់ ក្រុងកំពង់ចាម។ការចុះចាប់ជនសង្ស័យសេពគ្រឿងញៀន និងចែកចាយគ្រឿងញៀន ដែលដឹកនាំដោយលោកស៊ន មុនី ព្រះរាជអាជ្ញារងអមសាលាដំបូងខេត្ត ។
លោកវរៈសេនីយ៏ត្រី សំ ផាត អធិការនគរបាលក្រុងកំពង់ចាម បានឲ្យដឹងថា ក្រោយពីកម្លាំងសង្ងាត់បានផ្តល់ពត៌មានមកថា នៅបន្ទប់ផ្ទះសំណាក់តាពេញចិត្ត ខាងលើ មានមនុស្សបុ្រសស្រីជាច្រើននាក់កំពុងតែនាំសេពគ្រឿងញៀន ហើយរូបលោកបានសុំគោលការណ៏ ពីលោកស្នងការនគរបាលខេត្តដើម្បីរៀបចំកម្លាំងដោយមានជំនាញព្រហ្មទណ្ឌនៃអធិការដ្ឋាននគរបាលក្រុងកំពង់ចាម សហការជាមួយនឹងប៉ុស្ត៏រដ្ឋបាលសង្កាត់វាលវង់ ព្រមទាំងការិយាល័យប្រឆាំងគ្រឿងញៀនខេត្ត ចុះទៅឆែកឆេរជាបន្ទាន់ក្រោមការចូលរួម ពីស្ថាប័នសាលាដំបូងខេត្តផងដែរ ។
លោកវរៈសេនីយ៏ត្រី សំ ផាត អធិការនគរបាលក្រុងកំពង់ចាម បានបន្តថា ក្នុងប្រតិបត្តិការឆែកឆេរចំនួន១៣បន្ទប់ ដោយបានឃាត់មនុស្សប្រុសស្រីចំនួន១៤នាក់ ក្នុងនោះមានៈ១-ឈ្មោះ នង ឆៃគ្រី ភេទប្រុសអាយុ៥៧ឆ្នាំ រស់នៅភូមិទី១ សង្កាត់វាលវង់ ជាម្ចាស់ផ្ទះសំណាក់ ២-ឈ្មោះមួន គុណឡាយ ភេទប្រុសអាយុ ៣១ ឆ្នាំ នៅភូមិព្រែកជីក សង្កាត់សំបួរមាស ក្រុងកំពង់ចាម ៣- ឈ្មោះ លី វាសនា ភេទប្រុសអាយុ ២២ ឆ្នាំ នៅភូមិកោះកុក ឃុំកោះទន្ទឹម ស្រុកកំពង់សៀម ៤- ឈ្មោះ យ៉ែម ដារ៉ា ភេទបុ្រស អាយ២២ ឆ្នាំ នៅភូមិកោះប្រាក់ ឃុំកោះទន្ទឹម ៥-ឈ្មោះ លីថវិការ ភេទស្រី អាយុ ១៤ ឆ្នាំ ភូមិទី៦សង្កាត់កំពង់ចាម ក្រុងកំពង់ចាម ៦-ឈ្មោះចាន់ ធូ ភេទស្រី អាយុ ២២ ឆ្នាំ នៅភូមិរអាង ឃុំរអាង ស្រុកកំពង់សៀម៧-ឈ្មោះ ស៊ុំ ដារី ភេទប្រុស អាយុ ២៨ ឆ្នាំ នៅភូមិទី២ សង្កាត់វាលវង់ ក្រុងកំពង់ចាម ៨-ឈ្មោះពណ្ណរាយ ភេទស្រី អាយុ ១៩ឆ្នាំ នៅភូមិព្រះអណ្តូង ឃុំព្រះអណ្តូង ស្រុកស្ទឹងត្រង់៩-ឈ្មោះ គង់ ស្រស់ភេទស្រី អាយុ ៣៥ ឆ្នាំ នៅភូមិព្រះអណ្តូង ឃុំព្រះអណ្តូង ១០ -ឈ្មោះ ខេង ឡាទី ភេទប្រុស អាយុ១៦ឆ្នាំ នៅភូមិទី១៤ សង្កាត់កំពង់ចាម ១១-ឈ្មោះ ចាន់ ថាយូម៉េង ភេទស្រី អាយុ ១៩ឆ្នាំ នៅស្រុកបារាយ៏ខេត្តកំពង់ធំ ១២ -ឈ្មោះ ទូច រតនៈ ភេទប្រុស អាយុ ២០ ឆ្នាំ នៅភូមិចុងថ្នល់ សង្កាត់បឹងកុក ១៣-ឈ្មោះ នង បារាំង ភេទប្រុស អាយុ ២៨ឆ្នាំ នៅភូមិទី១ សង្កាត់វាលវង់ ១៤-ឈ្មោះ រឿន រតនា ភេទស្រីអាយុ ១៩ឆ្នាំ ស្រុកបារាយ៏ ខេត្តកំពង់ធំ ។
លោកវរៈសេនីយ៏ត្រី សំ ផាត បានបញ្ជាក់ថា ចំពោះសំភារៈដកហូតបានរួមមានៈ ១-ថ្នាំញៀនក្រាមពណ៌សចំនួន៣កញ្ចប់ ២-ជញ្ជីងថ្លឹងគ្រឿងញៀន១គ្រឿង ៣- ទូរស័ព្ទដៃ៤គ្រឿង ៤-ប្រាក់ដុល្លាចំនួន៣២៦ដុល្លារ លុយខ្មែរចំនួន ៨០ម៉ឺនរៀល និងឧបករណ៏សេពគ្រឿងញៀនមួយចំនួនទៀត ។ ត្រូវបាននាំមកអធិការដ្ឋាននគរបាលក្រុងកំពង់ចាម ដើម្បីបំពេញសំណុំបញ្ជូនទៅសាលាដំបូងខេត្ត ៕
ចែករំលែកព័តមាននេះ