តារាភាពយន្តហូលីវូដ ដែលបានក្លាយជាអភិបាលក្រុងកាលីហ្វ័រនីញ៉ា នឹងមកទស្សនកិច្ចប្រទេសកូរ៉េខាងត្បូង នៅពាក់កណ្ដាលខែកញ្ញាខាងមុខ ។ នេះបើតាមសារព័ត៌មានកូរ៉េមួយចេញផ្សាយកាលពីដើមខែសីហា ។
តាមរបាយការណ៍របស់ទីភ្នាក់ងារAP ថា លោកអភិបាលក្រុងរូបនេះបានថ្លែងពីផែនការទស្សនកិច្ចប្រទេសនានាក្នុងពេលមានកិច្ចប្រជុំនៅទីក្រុងសានតាក្លារ៉ា។លោកនឹងធ្វើដំណើរទៅប្រទេសរុស្ស៊ី បន្ទាប់ពីទស្សនកិច្ចនៅប្រទេសចិន ជប៉ុន និងកូរ៉េខាងត្បូង ដែលតាមផែនការគឺចាប់ពីថ្ងៃទី៩ កញ្ញា ដល់ទី១៥ កញ្ញា ។
ចំណែកពេលវេលាដែលនឹងមកទស្សនាប្រទេសកូរ៉េមិនទាន់ត្រូវបានគេប្រកាសឱ្យដឹងពីកាលបរិច្ឆេទនៅឡើយទេ ។
លោកបានថ្លែងថា ក្នុងនាមជាសមាជិកគណបក្សសាធារណរដ្ឋ លោកបានបំរើការជាអភិបាលក្រុងកាលីហ្វ័រនីញ៉ាទី៣៨ ។ តារាភាពយន្តដែលបានក្លាយជាមេដឹកនាំមានដើមកំណើតជាតិអូទ្រីសរូបនេះ បានទទួលប្រជាប្រិយភាពក្នុងខ្សែភាពយន្តជាច្រើននៅហូលីវូដ ដូចជារឿង Conan of Barbarian និងរឿងThe Terminator ជាដើម ។ ប៉ុន្តែលោកក៏នៅតែមានវត្តមានក្នុងខ្សែភាពយន្តជាច្រើនទៀត ទោះបីជាលោកបានក្លាយជាថ្នាក់ដឹកនាំរដ្ឋហើយក៏ដោយ ៕
ចែករំលែកព័តមាននេះ