រាជធានីភ្នំពេញ ៖ ថ្លែងក្នុងសន្និសីទកាសែតនៅព្រឹកថ្ងៃទី០៤ មករា មេបក្សប្រឆាំង លោក សម រង្ស៊ី គ្រោងដាក់លិខិតទៅអង្គការសហប្រជាជាតិ ដើម្បីស៊ើបអង្កេត ករណីអំពើហិង្សា ដោយលោកចោទប្រកាន់ប៉ូលិសរដ្ឋាភិបាល បាញ់រះលើក្រុមបាតុករ ។
ការណ៍ថ្លែងរបស់លោកនាពេលនេះ បន្ទាប់ពីក្រុមបាតុករនិងសមត្ថកិច្ចប៉ះទង្គិចគ្នា នៅមុខសួនកាណាឌីយ៉ា ស្ថិតក្នុងភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ កាលពីថ្ងៃម្សិលមិញ បណ្តាលឱ្យអ្នកស្លាប់៥នាក់ និងរបួស២៧នាក់(គិតត្រឹមថ្ងៃទី១៤ មករា) ។
នៅក្នុងសន្និសីទព្រឹកថ្ងៃនេះដែរ លោក សម រង្ស៊ី បានអះអាងថា នៅថ្ងៃទី០៥ មករា ស្អែកនេះ នឹងធ្វើមហាបាតុកម្មអហិង្សាធំមួយនៅទីលានប្រជាធិបតេយ្យ តែគ្មានការហែក្បួននោះទេ ។
ដោយឡែកកិច្ចចរចារវាងគណបក្សCNRP និងCPP មេបក្សប្រឆាំង បានប្រកាសចំហថា នឹងធ្វើការចរចាពេលស្ថានការណ៍វិលទៅរកភាពប្រក្រតីវិញ ៕
ចែករំលែកព័តមាននេះ