រាជធានីភ្នំពេញ ៖ តារាសម្តែងនិយមលេងខ្លួនសិចសុី នាងកុល ដាវី បានបាត់មុខពីពិភពសិល្បៈអស់ជាច្រើនខែមកហើយ តាំងពីមុនពិធីបុណ្យចូលឆ្នាំខ្មែរមកម៉្លេះ ព្រោះមានយីអ៊ុនហក់ទៅច្រៀងកើបលុយនៅប្រទេសក្រៅ ។ កាលពីពេលថ្មីៗនេះ កុល ដាវី បានវិលមកដល់កម្ពុជាវិញហើយ ក្រោយពីសម្តែងនៅសហរដ្ឋអាមេរិករួមជាមួយក្រុមរបស់នាង ។
រាជធានីភ្នំពេញ ៖ តារាសម្តែងនិយមលេងខ្លួនសិចសុី នាងកុល ដាវី បានបាត់មុខពីពិភពសិល្បៈអស់ជាច្រើនខែមកហើយ តាំងពីមុនពិធីបុណ្យចូលឆ្នាំខ្មែរមកម៉្លេះ ព្រោះមានយីអ៊ុនហក់ទៅច្រៀងកើបលុយនៅប្រទេសក្រៅ ។ កាលពីពេលថ្មីៗនេះ កុល ដាវី បានវិលមកដល់កម្ពុជាវិញហើយ ក្រោយពីសម្តែងនៅសហរដ្ឋអាមេរិករួមជាមួយក្រុមរបស់នាង ។ គ្រាន់តែមកដល់ប្រទេសកំណើតមិនបានប៉ុន្មានផង មានដំណឹងថា នាង និងកំលោះសម្បុរខ្មៅស្រអែម សុខ រក្សា ដែលជាដៃគូចេញច្រៀងនៅអាមេរិក បានចំណាយលុយរាប់ពាន់ដុល្លាររួមគ្នាបង្កើតក្រុមតន្ត្រីមួយដើម្បីបង្កើតអាជីពថ្មី ។
រយៈពេលជាងមួយសប្តាហ៍ហើយ ដែលកុល ដាវី មកដល់ប្រទេសកំណើតវិញជាមួយនាងកាតុ និងលោក សុខ រក្សា ដែលជាក្រុមសម្តែងជាមួយគ្នានៅអាមេរិក ។ មានការលើកឡើងថា ក្រុមរបស់តារាទាំងបីដួងនេះ ទទួលបានជោគជ័យ ព្រោះសុទ្ធតែអ្នកមានសមត្ថភាពគ្រប់ផ្នែក មានទាំងអ្នកចម្រៀង អ្នកកំប្លែង និងអ្នក សម្តែង ។ អ្នកទាំង៣មានមោទនភាពពន់ពេក បន្ទាប់ពីមានការគាំទ្រ និងឱ្យតម្លៃពីខ្មែរយើងនៅឯនាយសមុទ្រ ។
ក្នុងជំនួបផ្តាច់មុខមួយជាមួយ កុល ដាវី ខណៈបង្ហាញខ្លួននៅទូរទស្សន៍រាជធានីភ្នំពេញ កាលពីពេលថ្មីៗនេះ បន្ទាប់ពីបាត់មុខស្ទើរតែគេភ្លេចទៅហើយនោះនាងបានថ្លែងថា ឆ្នាំនេះនាងបានចំណាយពេលចេញទៅច្រៀងរាំជាលើកទី១នៅប្រទេសក្រៅច្រើនខែណាស់ ព្រោះតាំងពីមុនទៅអាមេរិក នាងបានសម្តែងនៅប្រទេសកាណាដាមួយខែកន្លះ ទើបឆ្លងទៅអាមេរិក៣ខែទៀត។
នាងទៅអាមេរិកលើកនេះបានសម្តែងនៅច្រើនរដ្ឋណាស់ ស្ទើរតែពេញផែនការ ។ នៅទីនោះ នាងបានជួបតារារៀមច្បងជាច្រើនរូប សុទ្ធតែជាអ្នកដែលនឹករលឹកស្រុកទេសយើង និងបង្ហាញទឹកចិត្តថា បើពួកគាត់មានឱកាសនឹងមកលេងស្រុកទេសយើងដែលកំពុងតែរីកចម្រើន ។ ទាក់ទិននឹងរឿងច្រៀងក្រៅស្រុក កុល ដាវី ខិតខំហាត់ច្រៀងណាស់ ព្រោះនាងមិនពូកែច្រៀងទេ ដោយសារខុសជំនាញ ។ នាងប្រឹងប្រែងហាត់ច្រៀងចេះចាំ ច្រើនបទមានរាំវង់ រាំក្បាច់ ឡាំលាវ និងបទពីជំនាន់មុន ដែលខ្មែរយើងនៅទីនោះចូលចិត្ត ។
កុល ដាវី បញ្ជាក់ទៀតថា នាងប្រហែលជាផ្អាកសម្តែងនៅក្រៅប្រទេសមួយគ្រាសិន ដើម្បីទុកពេលស្រូបយកភាពទាក់ទាញនៅក្នុងស្រុកវិញម្តង ព្រោះនាងនឹករលឹកទស្សនិកជនក្នុងស្រុកខ្លាំងណាស់ ។ នៅអាមេរិក នាងបន់ឱ្យតែឆាប់សម្តែងចប់នឹងបានវិលមកស្រុកវិញ ព្រោះគ្មានកន្លែងណាល្អជាងស្រុកយើងទេ ស្រួលរស់នៅ ឱ្យតែមានមុខរបរត្រឹមត្រូវ ទោះជាមានតម្រុយមួយទៀតចង់ឱ្យនាងទៅប្រទេសកាណាដា ក៏មិនទាន់គិតដែរ ទុកពេលនៅស្រុកយើងវិញ ។
ទាក់ទិននឹងការលើកឡើងថា នាងមានបើកវង់តន្ត្រីជាមួយ សុខ រក្សា តើពិតមែន ឬយ៉ាងណា ? កុល ដាវី ដែលមានជំនាញជាពិធីការិនីបានទទួលស្គាល់ពីផែនការនេះដោយអះអាងថា នាងនិងលោក សុខ រក្សា បានបង្កើតក្រុមតន្ត្រីមួយសម្រាប់បំពេញសេចក្តីត្រូវការរបស់មហាជន ។ ក្រុមតន្ត្រីរបស់នាងបានបើកដំណើរការដោយទទួលប្រគំបានប៉ុន្មានរោងមកហើយ ។
ក្រុមតន្ត្រីនេះមានតារាចម្រៀងល្បីៗច្រៀង ប្រសិនជាម្ចាស់កម្មវិធីចង់បាន ហើយចរចាតម្លៃត្រូវគ្នា ។ របរនេះនាងទុកចិត្តលោក សុខ រក្សា ពីព្រោះក្រៅពីចេះច្រៀង លោកជាអ្នកលេងភ្លេងស្រាប់ ។ នាងសង្កេតឃើញថា មិនសូវមានអ្នកសិល្បៈបើករបរនេះទេ ដូច្នេះនាងរំពឹងថា ក្រុមតន្ត្រីរបស់នាងច្បាស់ជាមានការគាំទ្រពីមហាជន ៕
ចែករំលែកព័តមាននេះ