រាជធានីភ្នំពេញ ៖ ខណៈពេលដែលតារាមួយចំនួនបានសម្រេចចិត្តចូលរោងការជាបន្តបន្ទាប់នោះសម្រាប់តារាសម្តែង និងច្រៀងនាង អ៊ុន អាលីហ្សា នៅមិនទាន់ប្រាកដពីមង្គលការរបស់នាងនៅពេលណាឡើយ បើទោះបីជាគេដឹងថា នាងបានសាងស្នេហ៍ជាមួយបុរសអ្នកជំនួញវ័យក្មេងមកជាយូរឆ្នាំក្តី ។
គេនៅមិនទាន់អាចភ្លេចបាននៅឡើយទេថា អាលីហ្សា និងគូស្នេហ៍របស់នាងធ្លាប់បានអះអាងនិងចាប់ដៃគ្នាសំពះផ្ទឹមការនៅក្នុងអំឡុងឆ្នាំ២០១៣ នេះ នៅពេលដែលមុខរបររបស់ពួកគេទទួលបានជោគជ័យ ។ ប៉ុន្តែរហូតមកដល់ពេលនេះសំឡេងឃ្មោះការហាក់នៅមិនទាន់បានបន្លឺឡើងនៅឡើយទេ នាំឱ្យគេមានការសង្ស័យថា ចំណងស្នេហ៍របស់តារាចង្កាស្រួចរូបនេះអាចមានឧបសគ្គរាំងស្ទះណាមួយដែលជាមូលហេតុនាំឱ្យមង្គលការរប់សនាងចេះតែមានការអូសបន្លាយពេល ។
ទាក់ទងបញ្ហានេះ អ៊ុន អាលីហ្សា បានអះអាងប្រាប់កោះសន្តិភាពថា ចំណងស្នេហ៍របស់នាងនៅតែស្អិតរមួតដដែលដោយមិនមានអ្វីរំខានឡើយ ក៏ប៉ុន្តែនាងនៅតែមិនទាន់អាចកំណត់ថ្ងៃច្បាស់លាស់ណាមួយ ដើម្បីរៀបចំមង្គល ។ នាងបញ្ជាក់ថា មូលហេតុដែលនាងនិងគូស្នេហ៍មិនទាន់កំណត់ថ្ងៃមង្គលការនោះ គឺដោយសារពួកនាងកំពុងតែមមាញឹករៀងខ្លួននៅក្នុងមុខរបរ ម្យ៉ាងនាងគិតថា ចង់រកប្រាក់ឱ្យបានច្រើនមុនពេលដែលនាងក្រាបសំពះផ្ទឹមការនោះ ៕
ចែករំលែកព័តមាននេះ