រាជធានីភ្នំពេញ ៖ យុវជន២ក្រុមបានឈ្លោះប្រកែកគ្នា បន្ទាប់ពីផឹកស៊ីក្នុងហាងមួយ ដែល១ក្រុមផឹកស៊ីនៅជាន់ខាងក្រោម ឯ១ក្រុមទៀតទៅចូលរួមខួបកំណើតមិត្តភក្តិនៅជាន់ខាងលើ ។ ខណៈពេលអង្គុយផឹកស៊ីនោះ ខាងអ្នកទៅចូលរួមខួបកំណើតមានមិត្តស្រីអង្គុយរួមតុជាមួយ ឯយុវជន១ក្រុមទៀតសម្លឹងមើលនិងឌឺដងដាក់ ធ្វើឱ្យមានការឈ្លោះប្រកែកគ្នាមួយប្រាវ ។ លុះពេលត្រឡប់ទៅ
រាជធានីភ្នំពេញ ៖ យុវជន២ក្រុមបានឈ្លោះប្រកែកគ្នា បន្ទាប់ពីផឹកស៊ីក្នុងហាងមួយ ដែល១ក្រុមផឹកស៊ីនៅជាន់ខាងក្រោម ឯ១ក្រុមទៀតទៅចូលរួមខួបកំណើតមិត្តភក្តិនៅជាន់ខាងលើ ។ ខណៈពេលអង្គុយផឹកស៊ីនោះ ខាងអ្នកទៅចូលរួមខួបកំណើតមានមិត្តស្រីអង្គុយរួមតុជាមួយ ឯយុវជន១ក្រុមទៀតសម្លឹងមើលនិងឌឺដងដាក់ ធ្វើឱ្យមានការឈ្លោះប្រកែកគ្នាមួយប្រាវ ។ លុះពេលត្រឡប់ទៅផ្ទះវិញ ស្រាប់តែក្រុមយុវជនដែលឌឺដងនោះបានជិះម៉ូតូដេញតាមធាក់ម៉ូតូភាគីម្ខាងទៀតឱ្យដួលរួចវាយបាក់ធ្មេញ ពកក្បាល បែកមុខបែកមាត់ ប៉ុន្តែត្រូវសមត្ថកិច្ចឃាត់ខ្លួនក្រុមជនបង្កបានម្នាក់ ឯម្នាក់ទៀតរត់គេចខ្លួនរួច ។
ហេតុការណ៍នេះកើតឡើងកាលពីវេលាម៉ោង៨និង៥០នាទីយប់ថ្ងៃទី៥ វិច្ឆិកា នៅកែងផ្លូវលេខ១៨២និងលេខ២៦៥ ស្ថិតក្នុងសង្កាត់ទឹកល្អក់ទី២ ខណ្ឌទួលគោក ។ជនរងគ្រោះមាន២នាក់គឺម្នាក់ឈ្មោះសុខ រដ្ឋា ភេទប្រុស អាយុ២២ឆ្នាំ មុខរបរជាងកាត់សក់ ស្នាក់នៅអូរបែកក្អម របួសបាក់ធ្មេញ២ បែកមុខបែកមាត់ និងពកក្បាល ឯម្នាក់ទៀតឈ្មោះអេង ប៉េងបុង ភេទប្រុស អាយុ២០ឆ្នាំ ជានិស្សិតឆ្នាំទី១ ស្នាក់នៅម្តុំដេអិន រងរបួសស្រាល ។ ចំណែកខាងក្រុមមួយទៀត ដែលជាអ្នកបង្កជម្លោះត្រូវឃាត់ខ្លួនបានម្នាក់ឈ្មោះសុខ ដាលីន ភេទប្រុស អាយុ២៤ឆ្នាំ ជានិស្សិតឆ្នាំទី៣ តែឈប់រៀនហើយ ស្នាក់នៅផ្ទះជួលលេខ៤B សង្កាត់ទឹកល្អក់ទី៣ ខណ្ឌទួលគោក និងម្នាក់ទៀតគេចខ្លួនមានឈ្មោះ ដេត អាយុ២៤ឆ្នាំ ។
តាមប្រភពព័ត៌មានពីឈ្មោះសុខ ដាលីន ឱ្យដឹងថា មុនពេលកើតហេតុពួកគេទាំងពីរនាក់ទៅផឹកស៊ីនៅហាងមួយម្តុំសំណង់១២ ដោយអង្គុយជាន់ខាងក្រោម ចំណែកក្រុម១ទៀតនោះទៅចូលរួមខួបកំណើតមិត្តភក្តិនៅជាន់ខាងលើ ហើយតុនោះមានមិត្តស្រីអង្គុយរួមជាមួយផង។ ពួកគេបានសម្លឹងមើលស្រីស្អាតទាំងនោះ ទើបធ្វើឱ្យមានការឈ្លោះប្រកែកគ្នាជាមួយក្រុមនោះ តែមិនបានវាយតប់គ្នាទេ ។
លុះពេលជិះម៉ូតូត្រឡប់ទៅផ្ទះវិញ ក្រុមខ្លួនជិះម៉ូតូសេ១២៥ ស៊េរី២០១២ ពណ៌ខ្មៅ តាមផ្លូវលេខ១៨២ ពីកើតទៅលិច ពេលដល់ផ្លូវកែងបត់ឆ្វេងក៏ធាក់ម៉ូតូក្រុមមានមិត្តស្រីម៉ាកអាយខន ពណ៌លឿងលាយស អត់ស្លាកលេខ បណ្តាលឱ្យដួលរួចហើយក៏បានលោតទៅវាយទាត់ធាក់អ្នកអង្គុយខាងក្រោយ ។ក្រោយពេលកើតហេតុ សមត្ថកិច្ចឃាត់ខ្លួនរូបគេ ឯបក្សពួកម្នាក់បានរត់រួច ចំណែកក្រុមមានមិត្តស្រីរបួស២នាក់ ក៏ត្រូវប៉ូលិសនាំយកទៅសាកសួរនៅប៉ុស្តិ៍រដ្ឋបាលទឹកល្អក់ទី២ផងដែរ រួមជាមួយម៉ូតូ២គ្រឿងផង ៕
ចែករំលែកព័តមាននេះ