រាជធានីភ្នំពេញ ៖ យុវជន២នាក់ជិះម៉ូតូសេ១២៥ ស៊េរី២០១២ អត់ពាក់មួកការពារសុវត្ថិភាព អត់កញ្ចក់ និងអត់ស្លាកលេខ ជិះឆ្លងស្ពានព្រះមុនីវង្សចាស់ពីលិចទៅកើតបញ្ច្រាសទិសបានបើកទៅបុកម៉ូតូសេ១២៥ មួយគ្រឿងទៀត បណ្តាលឱ្យដួលរបួសធ្ងន់២នាក់ ស្រាលម្នាក់ ។ ហេតុការណ៍នេះកើតឡើងនៅគល់ស្ពានព្រះមុនីវង្សចាស់ត្រើយខាងកើត កាលពីវេលាម៉ោង១០និង៣០នាទីយប់ថ្ងៃទី១១ ឧសភា ក្នុងសង្កាត់ច្បារអំពៅទី២ ខណ្ឌមានជ័យ ។
ក្រោយពេលកើតហេតុជនរងគ្រោះទាំង៣នាក់ ត្រូវបញ្ជូនទៅព្យាបាលនៅមន្ទីរពេទ្យកាល់ម៉ែត ចំណែកម៉ូតូសេ១២៥ ស៊េរី២០១២ ស្រុញខាងមុខខូចខាតយ៉ាងដំណំ រីឯម៉ូតូសេ១២៥ ស៊េរី២០១០ ខូចខាតតិចតួច ។ ម៉ូតូទាំងពីរគ្រឿងត្រូវសមត្ថកិច្ចយកទៅរក្សាទុកនៅការិយាល័យចរាចរណ៍ជើងគោករង់ចាំធ្វើការដោះស្រាយ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ