រាជធានីភ្នំពេញ ៖ រថយន្តកាមរីឆ្លាម១គ្រឿង ដែលបើកបរដោយបុរសជនជាតិចិនម្នាក់ស្រវឹងធ្លាក់ភ្នែក បានជ្រុលទៅបុកគូទរថយន្តហុងដាស៊ីវិច ដែលបម្រុងអែបទៅចិញ្ចើមផ្លូវខាងស្តាំដៃ បណ្តាលឱ្យបាក់កាងខាងក្រោយ ។ គ្រោះថ្នាក់នេះបានកើតឡើងកាលពី វេលាម៉ោង៨និង៤០នាទីយប់ថ្ងៃទី៨ ឧសភា នៅលើផ្លូវលេខ២៧១ ស្ថិតក្នុងសង្កាត់ផ្សារដើមថ្កូវ ខណ្ឌចំការមន ។
សាក្សីនៅកន្លែងកើតហេតុឱ្យដឹងថា រថយន្តហុងដាស៊ីវិច ពណ៌ស្លែ ជិះគ្នា២នាក់ បើកបរដោយបុរសម្នាក់តាមផ្លូវលេខ២៧១ ពីលិចទៅ កើត ក្នុងទិសដៅស្របគ្នា ជាមួយរថយន្តកាមរីឆ្លាម ពណ៌ស្ករ ។ ខណៈមកដល់ចំណុចខាងលើ រថយន្តហុងដាស៊ីវិចបម្រុងបើកអែបទៅចិញ្ចើមផ្លូវខាងស្តាំដៃ ស្រាប់តែរថយន្តកាមរីឆ្លាមដែលបើកលឿនហើយអ្នកបើកបរស្រវឹងផងនោះ បានជ្រុលទៅបុកគូទពីក្រោយបណ្តាលឱ្យបាក់កាងរថយន្តហុងដាស៊ីវិច ។
ក្រោយពេលកើតហេតុ ភាគីទាំង២បានធ្វើការសម្រុះសម្រួលគ្នា ដោយខាងម្ចាស់រថយន្តកាមរីឆ្លាមយកថយន្តហុងដាស៊ីវិចទៅជួសជុលនៅយានដ្ឋាន ៕
ចែករំលែកព័តមាននេះ