រាជធានីភ្នំពេញ ៖ ស្របពេលដែលក្បួនរថយន្ដប្រតិភូចូលទៅក្នុងសណ្ឋាគារអាំងទែរកង់ទីណង់តាល់ ហើយប៉ូលិសបានបិទផ្លូវមួយរយៈខ្លីសោះជាហេតុបណ្ដាលឱ្យរថយន្ដកំពុងតែធ្វើចរាចរណ៍តាមដងផ្លូវបន្ថយល្បឿន ដើម្បីទុកឱកាសឱ្យរថយន្តប្រតិភូចូលទៅក្នុងសណ្ឋាគារដោយសុវត្ថិភាព។ ប៉ុន្ដែបែរជារថយន្ដកាមរី ពណ៌ស្លែ បើកបរដោយស្ដ្រីម្នាក់កំពុងតែបន្ថយល្បឿន ស្រាប់តែត្រូវរថយន្ដកូរ៉ូឡា ពណ៌ទឹកសមុទ្រ បើកបរដោយបុរសម្នាក់បុកគូទលាន់សូរផាំង បណ្តាលឱ្យក្រពឹតបង្កឱ្យភ្ញាក់ផ្អើលដល់សមត្ថកិច្ចភ្លាមៗផងដែរ។
ករណីនេះ បានកើតឡើងកាលពីវេលាម៉ោង៨និង១៥នាទីយប់ថ្ងៃទី៦ ឧសភា ២០១២ តាមបណ្តោយផ្លូវម៉ៅសេទុង ក្នុងសង្កាត់ទួលស្វាយព្រៃ២ ខណ្ឌចំការមន។ ក្រោយពីកើតហេតុភាគីទាំងពីរបានធ្វើការសម្របសម្រួលគ្នាដោយខាងរថយន្ដកូរ៉ូឡាសងទៅរថយន្ដកាមរីចំនួន២០ដុល្លារជាកាបញ្ចប់រឿង។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ