រាជធានីភ្នំពេញ ៖ ពីរនាក់ប្តីប្រពន្ធត្រូវប៉ូលិសប៉ុស្តិ៍ផ្សារដេប៉ូ៣ នាំគ្នាចាប់ខ្លួនអូសចេញពីក្នុងរថយន្ត បន្ទាប់ពីបើករថយន្តម៉ាក CRV ពណ៌ខ្មៅ មួយគ្រឿងក្នុងស្ថានភាពស្រវឹងបុករនាំងដែកបាក់រលំអស់៥កង់ មិនព្រមចុះពីលើរថយន្ត ហើយជេរប្រមាថប៉ូលិស និងអ្នកកាសែតយ៉ាងឈ្ងុយ ព្រមទាំង
រាជធានីភ្នំពេញ ៖ ពីរនាក់ប្តីប្រពន្ធត្រូវប៉ូលិសប៉ុស្តិ៍ផ្សារដេប៉ូ៣ នាំគ្នាចាប់ខ្លួនអូសចេញពីក្នុងរថយន្ត បន្ទាប់ពីបើករថយន្តម៉ាក CRV ពណ៌ខ្មៅ មួយគ្រឿងក្នុងស្ថានភាពស្រវឹងបុករនាំងដែកបាក់រលំអស់៥កង់ មិនព្រមចុះពីលើរថយន្ត ហើយជេរប្រមាថប៉ូលិស និងអ្នកកាសែតយ៉ាងឈ្ងុយ ព្រមទាំងរកបុកប៉ូលិសទៀតផង ។
ហេតុការណ៍នេះបានកើតឡើងកាលពីវេលាម៉ោង៩និង៤០នាទីយប់ថ្ងៃទី២ ឧសភា ២០១២ នៅតាមវិថីសហព័ន្ធរុស្ស៊ី សង្កាត់ផ្សារដេប៉ូ៣ ខណ្ឌទួលគោក និងមានការប្រវាយប្រតប់គ្នានៅតាមដងផ្លូវបង្កឱ្យមានការភ្ញាក់ផ្អើលយ៉ាងខ្លាំង ។ នេះជាលើកទី១ ហើយដែលអ្នកបើកបររថយន្តបុករនាំងដែកត្រូវចាប់ខ្លួន ព្រោះតែជេរប្រមាថទៅលើសមត្ថកិច្ច ។ បុរសដែលត្រូវចាប់ខ្លួនឈ្មោះសុខ ម៉ារ៉ាឌី អាយុ៣០ឆ្នាំ ជាបុគ្គលិកក្រុមហ៊ុន និងប្រពន្ធឈ្មោះសុខ លាង អាយុ២៨ឆ្នាំ។ អ្នកទាំងពីរនាក់មានលំនៅផ្ទះជួលសង្កាត់ព្រែកលៀប ខណ្ឌឫស្សីកែវ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ