យោងទៅតាមប្រភពព័ត៌មានពីគេហទំព័រដេលី ឈីលីចេញផ្សាយកាលពីថ្ងៃច័ន្ទ ទី២ មេសា ឆ្នាំ២០១២ បានឱ្យដឹងថា តារាចម្រៀងប្រជាប្រិយអាមេរិកតៃល័រ ស្វ៊ីសទទួលបានពានរង្វាន់Entertainer Of The Year ក្នុងឱកាសប្រារព្ធពិធីប្រគល់ពានរង្វាន់តន្ត្រីប្រចាំឆ្នាំលើកទី៤៧ នៅរដ្ឋនេវ៉ាដា ក្រុងឡាស់វេហ្គាស់ កាលពីរាត្រីថ្ងៃអាទិត្យ ទី១ ខែមេសា ឆ្នាំ២០១២កន្លងមកនេះ ។នេះជាពានរង្វាន់ទី ២ ក្នុងរយៈពេល២៤ម៉ោង បន្ទាប់ពីនាងទទួលបានពានរង្វាន់ Kid’s Choice ដែលប្រគល់ជូនដោយលោកស្រីមីសែស អូប៉ាម៉ា ចំពោះការងារសប្បុរសធម៌របស់តៃល័រស្វ៊ីស ។
តារាចម្រៀងវ័យ២២ឆ្នាំ សក់ពណ៌ទង់ដែង តៃល័រ ស្វ៊ីស បានក្លាយទៅជាស្ត្រីទី ២ ដែលឈ្នះពានរង្វាន់២បន្ទាប់ពីនាងបានផ្តួលបេក្ខនារីល្បីៗចំនួន៩រូបផ្សេងទៀត ។
បន្ទាប់ពីទទួលបានជ័យជម្នះតៃល័របាននិយាយថា ខ្ញុំសប្បាយចិត្តខ្លាំងណាស់ចំពោះពានរង្វាន់ទាំង២នេះ ។ ខ្ញុំសូមថ្លែងអំណរគុណដ៏ ជ្រាលជ្រៅចំពោះអ្នកគាំទ្រទាំងអស់ដែលបានផ្តល់ទំនុកចិត្តឱ្យខ្ញុំ ហើយខ្ញុំក៏សូមគោរពនិងស្រ ឡាញ់ដល់អ្នករាល់គ្នាទាំងអស់ ៕
ចែករំលែកព័តមាននេះ