យោងទៅតាមប្រភពព័ត៌មានពីកាសែតអង់គ្លេសThe Sunsចេញផ្សាយ កាលពីថ្ងៃអង្គារទី២៧ មីនា ឆ្នាំ២០១២ បានឱ្យដឹងថា តារា ទូរទស្សន៍ គឹម កាដាសៀន បានបង្ហាញការចាប់អារម្មណ៍ខ្លាំងទៅលើគេហដ្ឋានដ៏ស្រស់ស្អាតរបស់កីឡាករដេវីដ បេកខាំ ដែលបានប្រកាសលក់ក្នុងតម្លៃ១៨លានផោន ដែលស្មើនឹងជាង២៨លានដុល្លារ ។
លោក Hearts ភ្នាក់ងារអចលនទ្រព្យបានឱ្យដឹងថា តារាទូរទស្សន៍ដែលមានរូបសម្រស់ស្អាត តែអភព្វស្នេហ៍ពិតជាមានគម្រោងទិញ Beckingham Palaceផ្ទះរបស់កីឡាករដេវីតបេកខាំពិតប្រាកដមែន ហើយនាងបានបំភ្លេចការចង់បានផ្ទះរបស់តារាចម្រៀងប៉ុប ម៉ៃឃើល ជែកសុន ដែលមានតម្លៃជាង២៣លានដុល្លារសហរដ្ឋអាមេរិក ។
មូលហេតុដែលនាំឱ្យនាងចង់បានផ្ទះរបស់ដេវីត បែកខាំ គឺដោយសារតែនាងយល់ថាផ្ទះនោះ មានទំហំធំល្មមសម្រាប់ក្រុមគ្រួសាររបស់នាងដែលមានសមាជិកច្រើនរស់នៅ ម្យ៉ាងវិញទៀតផ្ទះទំហំជិតដី៧ហិកតា គឺវាងាយស្រួល ដើម្បីធ្វើអាងហែលទឹក កន្លែងវាយកូនហ្គោល កន្លែងហាត់កាយសម្ព័ន្ធជាដើម ៕
ចែករំលែកព័តមាននេះ