រាជធានីភ្នំពេញ ៖ បន្ទាប់ពីបាត់មុខពីសិល្បៈមួយរយៈធំ លោកសាន ផានិត ក៏ស្រាប់តែវិលត្រលប់មកវិញសាជាថ្មីម្ដងទៀត ហើយលោកក៏បានធ្វើជាអ្នកគ្រប់គ្រងនៅផលិកម្ម KH ដែលធ្វើឱ្យទស្សនិកជនមួយចំនួនមានការងឿងឆ្ងល់យ៉ាងខ្លាំងថា តើមូលហេតុអ្វីបានជាលោក សាន ផានិតដែលជាតារាចម្រៀងមកធ្វើជាអ្នក គ្រប់គ្រងទៅវិញ ។
ដោយសារតែមានការងឿងឆ្ងល់បែបនេះលោកសានផាន និត បានប្រាប់កោះសន្ដិភាពឱ្យដឹងថា ការដែលរូបលោកបាត់មុខពីសិល្បៈមួយរយៈនេះមិនមែនលោកលាឈប់ពីសិល្បៈ ឬក៏ទៅរស់នៅប្រទេសក្រៅនោះទេ ប៉ុន្ដែកាលនោះលោកក៏មានគម្រោងចង់ទៅដែរ តែដោយសារមិនមានឯកសារគ្រប់គ្រាន់ និងដៃគូទៅជាមួយ ដូច្នេះលោកក៏ត្រូវផ្អាកដំណើរការទៅវិញ ។ ប៉ុន្តែទោះបីជាបាត់មុខពីកម្មវិធីសិល្បៈក៏លោកនៅតែបន្តអាជីពនៅខាងក្រៅដែរ ដូចជាធ្វើជាពិធីករកាត់នំ និងពិធីការនៅក្នុងកម្មវិធីផ្សេងៗផងដែរ ។
លោកសាន ផានិត បានបន្ដថា កាលដែលលោកវិលត្រឡប់ចូលសិល្បៈវិញនេះ គឺដោយសាតែលោកនឹកស្ដាយបទចំម្រៀងរបស់លោកមួយចំនួន ដែលមិនទាន់ចេញជាខារ៉ាអូខេនៅឡើយ ហើយម្យ៉ាងវិញទៀតនោះលោកក៏បាននឹកដល់ផលិកម្មនិងចង់ពង្រីងផលិតកម្មKH ឡើងវិញ ព្រោះផលិតកម្មនេះ និងរូបលោកគឺព្រាបដូចបងប្អូននឹងគ្នា ហើយលោកក៏ជាចំណែកមួយនៅក្នុងផលិតកម្មដែរព្រាបដូចជាកូនសោមួយថែមទៀតផង ។ ដូចច្នេះហើយលោកក៏សម្រេចចិត្ដចូលផលិតកម្មវិញ ដោយមានការគ្រាំទ្រពីលោកគឹម ហេង ដោយលោកបានផ្ទេរសិទ្ធិឱ្យរូបលោកធ្វើជាអ្នកគ្រប់គ្រងផលិតិកម្ម ។ លោកផានិត មិនត្រឹមតែធ្វើជាអ្នកគ្រប់គ្រងនោះទេ លោកក៏បាននិងពន្ធបទចម្រៀងថ្មីៗជាច្រើនបទ ជាពិសេសគឺបទអប់រំ ក្រៅពីនេះ លោកក៏បានធ្វើជាអ្នកគ្រប់គ្រងនៅក្លឹបមួយនៅក្នុងខេត្ដព្រះសីហនុផងដែរ ។
លោកបានបន្ថែមទៀតថា ពេលនេះលោកកំពុងតែត្រូវការតារាចំម្រៀងចំនួន៦រូប និងមានអ្នកមានសមត្ថភាព ដែលធ្វើការនៅលើទីផ្សារជាច្រើននាក់ ដើម្បីពង្រឹងផលិតកម្មនិងធ្វើឱ្យរីកចម្រើនសាជាថ្មីម្ដងទៀត ។
លោកផានិត បានបន្ថែមទៀងថា ចំពោះរឿងគូអនាគតវិញ ពេលនេះ លោកមិនចង់យកសង្សារទៀតនោះទេ គឺលោកប្រាថ្នាចង់យកភរិយាវិញ ព្រោះលោកមានវ័យកាន់តែច្រើន ដោយឆ្នាំនេះលោកមានអាយុ៣៦ឆ្នាំហើយ ដូច្នេះលោកចង់បានភរិយាមួយ ដែលចេះយល់ចិត្ដសា្វមី និងចេះស្រឡាញ់ក្រុមគ្រួសារ ។ ម្យ៉ាងវិញទៀត លោកក៏ចង់ផ្ដាំទៅមនុស្សអតីតរបស់លោកផងដែរថា ពេលនេះលោកអាចងើបឈរដោយខ្លួនឯងបានហើយ ហើយបើសិនជាអាច ពួកយើង និងចូលរួមសម្តែងជាមួយគ្នាម្ដងទៀត ដូចកាលពីមុនទោះបីជាពេលនេះយើងបែកបាក់គ្នា ប៉ុន្ដែពួកយើងអាចរាប់អានគ្នាដូចជាបងប្អូនបាន ៕
ចែករំលែកព័តមាននេះ