“ឆ្មាមិននៅ កណ្តុរឡើងរាជ្យ ” ពាក្យមួយឃ្លានេះរហូតមកទល់បច្ចុប្បន្ននៅតែមានប្រសិទ្ធភាពក្នុងការប្រើប្រាស់ ។ ជាក់ស្តែងយោងតាមប្រភពពីគេហទំព័រ xinmsn.com ចេញផ្សាយថ្ងៃទី១១ មករា ឱ្យដឹងថា លោកជេកគី ចាន់ ហៅឈិន ឡុង តារាភាពយន្តដែលមានកេរ្តិ៍ឈ្មោះល្បីជាច្រើនទសវត្សរ៍នោះ បានឆ្លៀតឱកាសចែចង់នាង Yao Xing Tong ជាតារាភាពយន្តដូច គ្នា ខណៈដែលពួកគេទៅថតឈុតចុងក្រោយក្នុងខ្សែភាពយន្តរឿង 12 Zodiacs នៅកំពង់ផែ Jinzun ស្រុក Donghe កោះតៃវ៉ាន់។
ប្រភពបន្តថា នៅថ្ងៃទី៩ មករា ក្រុមអ្នកផលិតខ្សែភាពយន្តបានទៅដល់កំពង់ផែ Jinzun ដើម្បីស្វែងរកប្លង់ល្អៗសម្រាប់ថតឈុតខ្សែភាពយន្ត ។ ដោយឡែកអ្នកស្រី Joan Lin ភរិយារបស់លោកឈិន ឡុង បានទៅមើលសកម្មភាពថតរបស់ប្តីបាន២ថ្ងៃ តែអ្នកស្រីមិនបាននៅជាមួយរហូតទេ ដែលជាឱកាសរបស់លោក ឈិន ឡុង ចែចង់នាង Yao Xing Tong នៅពេលសម្រាកពីការថតឈុតខ្សែភាពយន្ត ។
ប្រភពបន្តថា លោក ឈិន ឡុង បានចាក់ចង្កេះនាង Yao Xing Tong ធ្វើឱ្យនាងសើច ស្ទើរគ្រប់ពេលធ្វើដំណើរ ។ ជាងនេះទៅទៀត តារាជើងចាស់រូបនេះតែងតែកេងចំណេញលើស្រីស្អាត ខណៈពេលធ្វើដំណើរឆ្លងកាត់ស្ថានភាពផ្លូវពិបាក ដោយអបចង្កេះនាងដើម្បីទប់ខ្លួននាងកុំឱ្យដួលទៀតផង ។
តាមរបាយការណ៍បានឱ្យដឹងថា ខ្សែភាពយន្តរឿង 12 Zodiacs បានចំណាយទឹកប្រាក់ប្រមាណ១២០លានដុល្លារអាមេរិក ដោយមានឈុតជាច្រើនដែលលោក ឈិន ឡុង ពេញចិត្ត ដូចជា ឈុតបាញ់កាំភ្លើង, លោតឆត្រយោង , រថយន្តបុកគ្នា និងការបាញ់បំផ្ទុះគ្រាប់ជាដើម ហើយខ្សែភាពយន្តនេះនឹងដាក់បញ្ចាំងនៅថ្ងៃទី១២ ខែធ្នូ ឆ្នាំ ១០១២ ៕
ចែករំលែកព័តមាននេះ