រាជធានីភ្នំពេញ ៖ នៅចំណុចផ្លូវបំបែកជា៥ ស្ថិតនៅលើកំណាត់ផ្លូវលេខ១៧៣ ចុះទៅផ្សារទួលទំពូង ម្តុំស្ថានីយប្រេងឥន្ធនៈមួយកន្លែងគេឃើញមន្ត្រីប៉ូលិសមួយក្រុមស្លៀកពាក់ឯកសណ្ឋានដាក់ប៉ុស្តិ៍ត្រួតពិនិត្យសណ្តាប់ធ្នាប់ចរាចរណ៍ហើយបានពើបប្រទះម៉ូតូមួយគ្រឿងជិះ២នាក់ម្តាយ-កូនកំលោះ ពេលនោះប៉ូលិសបានឃាត់ និងបានឈ្លោះគ្នាស្រែកគំរាមគំហកដាក់គ្នាទៅវិញទៅមក ស្ទើរបែកផ្សែង កាលពីវេលាព្រឹកថ្ងៃទី៧ តុលា ២០១១ ដែលជម្លោះនេះគួរឱ្យខ្មាស់សាធារណជនខ្លាំងណាស់។
ការឈ្លោះគ្នាបែកផ្សែងដៀលត្មះគ្នាទៅវិញទៅមក រវាងប៉ូលិស និងអ្នកស៊ីវិលស្លូតត្រង់នេះ យើងសុំមិនកំណត់ថា ភាគីខាងណាខុស និងត្រូវនោះទេ ប៉ុន្តែវាជាកាយវិការ ឬសកម្មភាពខ្វះសេចក្តីថ្លៃថ្នូរពេកណាស់ គួរតែរៀបចំអត្តចរិតឱ្យបានសមរម្យឡើងរវាងមន្ត្រីប៉ូលិស និងជនស៊ីវិល…ហៅគ្នាសុទ្ធតែ«អ្ហែង-អញ» មិនមែនជាការល្អទេ ហើយការ «គំរាមគ្នាទៅវិញទៅមក» ក៏មិនមែនជាដំណោះស្រាយដែរ ។ អ្វីដែលជាដំណោះស្រាយនោះគឺអនុវត្តតាមច្បាប់ ត្រូវចេះគោរពគ្នាទៅវិញមក និយាយស្តីមានវគ្គមានឃ្លាពីរោះ ពិសា ស័ក្តិសមជាពលរដ្ឋល្អ របស់ប្រទេសមួយដែលមានអារ្យធម៌ខ្ពង់ខ្ពស់។
ខាងក្រោមនេះ គឺខ្សែអាត់វីដេអូស្តីពីមន្ត្រីប៉ូលិសឈ្លោះប្រកែកបែកផ្សែងជាមួយជនស៊ីវិល…សូមអ្នកទស្សនាពិចារណា ខុស និងត្រូវតាមការគួរចុះ ៕
ចែករំលែកព័តមាននេះ