ខេត្តកំពង់ឆ្នាំង ៖ លោកបណ្ឌិត ទូច ម៉ារីម អភិបាលខេត្តកំពង់ឆ្នាំង កាលពីព្រឹកថ្ងៃទី១៩ កក្កដា បានអញ្ជើញជាអធិបតីភាពក្នុងពិធីដាំកូនឈើមានផ្កាលំអក្រុង ចំនួន៥០០ដើម ដែលពិធីនេះ រៀបចំឡើងដោយខណ្ឌរដ្ឋបាលព្រៃឈើកំពង់ឆ្នាំង និងមានការអញ្ជើញចូលរួមពីមេបញ្ជាការ លោកស្នងការនគរបាលខេត្ត ប្រធានមន្ទីរ
ខេត្តកំពង់ឆ្នាំង ៖ លោកបណ្ឌិត ទូច ម៉ារីម អភិបាលខេត្តកំពង់ឆ្នាំង កាលពីព្រឹកថ្ងៃទី១៩ កក្កដា បានអញ្ជើញជាអធិបតីភាពក្នុងពិធីដាំកូនឈើមានផ្កាលំអក្រុងចំនួន៥០០ដើម ដែលពិធីនេះ រៀបចំឡើងដោយខណ្ឌរដ្ឋបាលព្រៃឈើកំពង់ឆ្នាំង និងមានការអញ្ជើញចូលរួមពីមេបញ្ជាការ លោកស្នងការនគរបាលខេត្ត ប្រធានមន្ទីរ សិស្សានុសិស្ស និងមន្ត្រីរាជការជាច្រើនរូបទៀត។ ពិធីដាំកូនឈើនេះរៀបចំឡើងនៅសួនច្បាររូបឆ្នាំង ស្ថិតក្នុងភូមិទួលក្រឡាញ់ សង្កាត់កំពង់ឆ្នាំង ក្រុងកំពង់ឆ្នាំង ។
លោកនូវ ប៉ោលីន នាយរងខណ្ឌរដ្ឋបាលព្រៃឈើកំពង់ឆ្នាំង បានបញ្ជាក់ថា កូនឈើដែលយកមកដាំនៅថ្ងៃនេះមានចំនួន៥០០ដើមដែលមានដើមលឿងរាជ ដើមរំដួល និងដើមត្របែកព្រៃ ហើយក្នុងថ្ងៃនេះដែរ នៅស្រុករលាប្អៀរ ក៏មានដាំកូនឈើប្រភេទនេះដែរគឺដាំតាមបណ្តោយផ្លូវជាតិ ។
លោកបណ្ឌិតទូច ម៉ារីម អភិបាលខេត្តកំពង់ឆ្នាំង មានប្រសាសន៍ថា ថ្មីៗនេះប្រទេសកម្ពុជាយើងបានទទួលជ័យជម្នះការទូតលើប្រទេសសៀមនៅតុលាការអន្តរជាតិទីក្រុងឡាអេ។ នៅខេត្តកំពង់ឆ្នាំង យើងបានកសាងនូវសួនច្បារយ៉ាងច្រើនដូចជាសួនច្បារកង្រី សួនច្បារវិមានឯករាជ្យ សួនច្បារផ្សារក្រោម សួនកម្សាន្តកុមារនៅមុខសាលាខេត្ត និងសួនច្បារកន្លែងរូបឆ្នាំងដែលជានិមិត្តសញ្ញាខេត្តកំពង់ឆ្នាំងរបស់យើងនេះ។ ក្រៅពីនោះយើងបានកសាងប្រព័ន្ធផ្លូវថ្នល់ក្នុងក្រុង ដាក់បង្គោលភ្លើងបំភ្លឺតាមផ្លូវជាតិឆ្លងកាត់ក្រុងប្រវែង៥គីឡូម៉ែត្រជាដើម ហើយថ្ងៃនេះយើងដាំកូនឈើដែលមានផ្កាសម្រាប់លំអក្រុងកំពង់ឆ្នាំងរបស់យើងទៀត ។ លោកបណ្ឌិតក៏បានសុំអធ្យាស្រ័យពីមន្ត្រីរាជការ ប្រជាពលរដ្ឋអំពីភ្លើងអគ្គិសនីដែលយើងទទួលយកពីរដ្ឋមកចែកចាយមានការខ្វះខាត ប៉ុន្តែដោយសារដាក់ម៉ាស៊ីនថ្មីដើម្បីផលិតថាមពលលក់មានតម្លៃថ្លៃជាងភ្លើងរបស់រដ្ឋ ទើបសម្រេចទ្រាំប្រើភ្លើងនេះសិនចុះ រង់ចាំដាច់ខែធ្នូ ចូលឆ្នាំ២០១២ នឹងមានភ្លើងប្រើគ្រប់គ្រាន់បន្ទាប់ពីវារីអគ្គិសនីស្ទឹងកំចាយ មានដំណើរ ៕
ចែករំលែកព័តមាននេះ