រាជធានីភ្នំពេញ ៖ នៅថ្ងៃស្អែកនេះ សម្តេចតេជោ ហ៊ុន សែន និង សម្តេចកិត្តិព្រឹទ្ឋបណ្ឌិត ប៊ុន រ៉ានី ហ៊ុន សែន នឹងអញ្ជើញជាអធិបតីសម្ពោធដាក់អោយប្រើប្រាស់ «មណ្ឌលកីឡាហែលទឹកតេជោសែន» នៅក្រុងកំពង់ចាម…
រាជធានីភ្នំពេញ ៖ នៅថ្ងៃស្អែកនេះ សម្តេចតេជោ ហ៊ុន សែន និង សម្តេចកិត្តិព្រឹទ្ឋបណ្ឌិត ប៊ុន រ៉ានី ហ៊ុន សែន នឹងអញ្ជើញជាអធិបតីសម្ពោធដាក់អោយប្រើប្រាស់ «មណ្ឌលកីឡាហែលទឹកតេជោសែន» នៅក្រុងកំពង់ចាម ខេត្តកំពង់ចាម ។ នៅរសៀលថ្ងែនេះ ក៏មានកម្មវិធីប្រកួតកីឡាហែលទឹក ដែលមានកីឡាករ កីឡាការិនីជំទង់ៗ រួមទាំងកីឡាករពិការមួយចំនួនចូលរួមប្រកួតប្រជែងទទួលពានរង្វាន់តេជោផងដែរ ។ នេះបើយោងតាម Facebook ផ្លូវការរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា កាលពីជាង១ម៉ោងមុននេះ ។
នៅលើ Facebook ផ្លូវការរបស់សម្តេចតេជោ ហ៊ុន សែន បានគូសបញ្ជាក់ថា «នេះជាសមិទ្ឋផលជាតិដែល សម្តេចតេជោ បានកសាងសម្រាប់ជាប្រយោជន៍ដល់ការហ្វឹកហាត់ជំនាញកីឡាហែលទឹកដល់កីឡាករដោយគ្មានរើសអើង ជាពិសេសគឺសម្រាប់យុវជនក្នុងទូទាំងខេត្តកំពង់ចាម និងទូទាំងប្រទេស ដែលមានបំណងហ្វឹកហាត់ជំនាញកីឡាហែលទឹក ដើម្បីសុខភាព និងដើម្បីចូលរួមប្រកួតប្រជែងទាំងក្នុងកម្រិតជាតិ និងអន្តរជាតិ ជាពិសេសនៅក្នុងកីឡាស៊ីហ្គេម SEA GAMES ឆ្នាំ ២០២៣ ខាងមុខ។
សម្តេចតេជោ ហ៊ុន សែន និង សម្តេចកិត្តិព្រឹទ្ឋបណ្ឌិត តែងតែគិតគូរយកចិត្តទុកដាក់ជានិច្ចចំពោះសង្គមជាតិ អនាគតយុវជន និងវិស័យកីឡានៅក្នុងប្រទេសដោយមិនប្រកាន់និន្នាការនយោបាយ គឺខិតខំធ្វើយ៉ាងណា ដើម្បីប្រទេសជាតិទាំងមូលបានឆាប់រីកចម្រើនទៅមុខ ៕
ចែករំលែកព័តមាននេះ