ខេត្តបន្ទាយមានជ័យ ៖ កាលពីថ្ងៃទី៣០ វិច្ឆិកា ២០១៥ នៅសាលប្រជុំក្រុមប្រឹក្សាខេត្តបន្ទាយមានជ័យ មានរៀបចំពិធីប្រជុំសាមញ្ញលើកទី១៣ អាណត្តិទី២ របស់ក្រុមប្រឹកខេត្តបន្ទាយមានជ័យ ដោយអាជ្ញាធរខេត្តបានហាមមិនឲ្យយកសពទៅកប់ និងធ្វើផ្នូរនៅលើភ្នំទៀតឡើយ ដើម្បីរៀបចំតំបន់រមណីយដ្ឋានធម្មជាតិភ្នំកណ្ដាលក្រុងសិរីសោភ័ណ ។
លោក គោស៊ុំ សារឿត អភិបាលខេត្តបន្ទាយមានជ័យ បានមានប្រសាសន៍ថា ខេត្តបន្ទាយមានជ័យគ្រោងកសាងផ្លូវសងខាងមាត់ស្ទឹង ដើម្បីលម្អក្រុង ដែលត្រូវចាប់ផ្តើមកសាងជាបណ្តើរៗពីសង្កាត់ទឹកផ្លាតភ្ជាប់ពីផ្លូវជាតិ៥ដល់សង្កាត់ព្រះពន្លាក្នុងក្រុងសិរីសោភ័ណ ។ មន្ត្រី និងកម្លាំងជំនាញ ត្រូវមានវិធានការចំពោះរថយន្តដឹកដី និងថ្ម ដែលមិនគ្របស្បៃបណ្តាលធ្លាក់ដីលើផ្លូវ និងថ្មស្ទះមាត់លូ និងហុយប៉ះពាល់សុខភាពប្រជាពលរដ្ឋ ។ មន្ទីពាណិជ្ជកម្មខេត្តត្រូវសហការជាមួយមន្ទីរកសិកម្មខេត្ត ត្រូវរកទីផ្សារស្រូវ និងរកពូជស្រូវឲ្យបានតាមស្តង់ដា ។
លោក អ៊ុំ អឿន ប្រធានក្រុមប្រឹក្សាខេត្ត បានមានប្រសាសន៍ថា សមត្តកិច្ច និងមន្ត្រីជំនាញមិនត្រូវពាក់ព័ន្ធ ឬនៅក្រោយខ្នងបទល្មើសគ្រឿងញៀន ត្រូវចូលរួមទប់ស្កាត់ មិនត្រូវឲ្យកើតមានឡើយ ។ គ្រោះថ្នាក់ចរាចរណ៍ខេត្តបន្ទាយមានជ័យមានកំណើនឡើង ហើយមន្ទីធនធានទឹក និងឧតុនិយមខេត្តត្រូវមានវិធានការណែនាំដល់ប្រជាពលរដ្ឋ ត្រូវចូលរួមទប់ស្កាត់ទឹកទុកសម្រាប់ប្រើប្រាស់នៅឆ្នាំ២០១៦អាចខ្វះទឹក និងត្រូវទប់ស្កាត់មិនឲ្យយកសពទៅកប់ ឬធ្វើផ្នូរលើភ្នំកណ្តាលក្រុងសិរីសោភ័ណទៀតទេ ព្រោះខេត្តគ្រោងអភិវឌ្ឍន៍តំបន់រម្មណីយដ្ឋានធម្មជាតិទាក់ទៀញភ្ញៀវឆ្លងកាត់ចូលមកកំសាន្ត ៕
ចែករំលែកព័តមាននេះ