អគ្គិភ័យឆាបឆេះផ្ទះ៩ខ្នងយ៉ាងសន្ធោសន្ធៅបង្កឱ្យមានកាភ្ញាក់ផ្អើលដល់សមត្ថកិច្ច និងប្រជាពលរដ្ឋ កាលពីវេលាម៉ោង១២ និង៤០នាទីរំលងអធ្រាត្រឈានចូលថ្ងៃទី២៥ វិច្ឆិកា ២០១៥
រាជធានីភ្នំពេញ ៖ អគ្គិភ័យឆាបឆេះផ្ទះ៩ខ្នងយ៉ាងសន្ធោសន្ធៅបង្កឱ្យមានកាភ្ញាក់ផ្អើលដល់សមត្ថកិច្ច និងប្រជាពលរដ្ឋ កាលពីវេលាម៉ោង១២ និង៤០នាទីរំលងអធ្រាត្រឈានចូលថ្ងៃទី២៥ វិច្ឆិកា ២០១៥ ស្ថិតនៅតាមបណ្តោយផ្លូវលេខ ២៨៨ ស្ថិតនៅជាប់សាលាសង្កាត់បឹងកេងកង២ ចំណុចផ្ទះលេខ៨ ក្រុម៧ ភូមិ១ សង្កាត់បឹងកេងកង២ ខណ្ឌចំការមន ។
ទោះបីជាយ៉ាងណាក្ដី ជាជំហានដំបូងនេះពុំមានព័ត៌មានផ្លូវការណាមួយអះអាងថា មានមនុស្សរងគ្រោះថ្នាក់ឡើយ ។ ទាក់ទិននឹងការកើតមានអគ្គិភ័យនេះគេពុំទាន់ដឹងពីមូលហេតុអ្វីនៅឡើយ ។
មុនដំបូងគេឃើញផ្សែងបានហុយយ៉ាងខ្មួលខ្មាញ់ចេញពីផ្ទះលេខ៨ ជាផ្ទះល្វែងជាប់គ្នា បានធ្វើឱ្យប្រជាពលរដ្ឋនៅទីនោះ ជាពិសេសអ្នកធ្វើដំណើរតាមផ្លូវបានឆ្លេឆ្លាបង្កឱ្យមានការភ្ញាក់ផ្អើលទូរស័ព្ទទៅអាជ្ញាធរ សមត្ថកិច្ច និងរថយន្ដពន្លត់អគ្គិភ័យភ្លាមៗ ។
សម្រាប់គ្រោះអគ្គិភ័យដែលមានរយៈពេលប្រមាណជិត២ម៉ោង ពោលចាប់តាំងពីម៉ោង១និង៤០នាទីយប់ រហូតដល់ម៉ោង២យប់ថ្ងៃដដែលនេះ មិនទាន់មានការបញ្ជាក់ជាផ្លូវការពីសមត្ថកិច្ចនៅឡើយនោះទេថាបណ្ដាលមកពីមូលហេតុអ្វីពិតប្រាកដឡើយ តែបើតាមការសង្ស័យជំហានដំបូង គឺអាចបណ្ដាលមកពីទុស្សេខ្សែភ្លើងទើបបង្កឱ្យមានអគ្គិភ័យនេះ៕
ចែករំលែកព័តមាននេះ