ខេត្តកណ្ដាល ៖ បុរសម្នាក់ដែលក្រុមគ្រួសារមានជំនឿថា មានខ្មោចព្រាយនាំឱ្យចង.កសម្លា.ប់ខ្លួនចំនួន២លើកតែមិនបានសម្រេច ព្រោះត្រូវគេជួយទាន់ តែទីបំផុតចង.កសម្លា.ប់ខ្លួនទាល់តែបាន កាលពីវេលាម៉ោង៤និង៣០នាទីទៀបភ្លឺថ្ងៃទី២៥ តុលា នៅលើដើមគគីរក្នុងវត្តជ្រុងថ្ម ស្ថិតនៅភូមិវត្តចាស់ ឃុំព្រែកដំបង ស្រុកមុខកំពូល គ្រាដែលសាច់ញាតិនាំទៅឱ្យព្រះសង្ឃព្យាបាលស្រោចទឹក
ខេត្តកណ្ដាល ៖ បុរសម្នាក់ដែលក្រុមគ្រួសារមានជំនឿថា មានខ្មោចព្រាយនាំឱ្យចង.កសម្លាប់ខ្លួនចំនួន២លើកតែមិនបានសម្រេច ព្រោះត្រូវគេជួយទាន់ តែទីបំផុតចង.កសម្លាប់ខ្លួនទាល់តែបាន កាលពីវេលាម៉ោង៤និង៣០នាទីទៀបភ្លឺថ្ងៃទី២៥ តុលា នៅលើដើមគគីរក្នុងវត្តជ្រុងថ្ម ស្ថិតនៅភូមិវត្តចាស់ ឃុំព្រែកដំបង ស្រុកមុខកំពូល គ្រាដែលសាច់ញាតិនាំទៅឱ្យព្រះសង្ឃព្យាបាលស្រោចទឹកបណ្ដេញខ្មោចព្រាយ ។
មន្ត្រីនគរបាលស្រុកមុខកំពូល ដែលទៅពិនិត្យសពបានឱ្យដឹងថា បុរសម្នាក់នេះឈ្មោះ យិន ឡូ អាយុ៣៧ឆ្នាំ រស់នៅភូមិឡឥដ្ឋ ឃុំព្រែកដំបង ស្រុកមុខកំពូល ។ តាមសាច់ញាតិនិយាយថា កាលពីថ្ងៃទី២២ តុលា បុរសជាឪពុកមាឈ្មោះ សួ នាង អាយុ៤៩ឆ្នាំ បាននាំមកឱ្យព្រះសង្ឃស្រោចទឹកព្យាបាលជំងឺបណ្ដេញខ្មោចព្រាយបិសាច ឱ្យចេញពីរូបកាយ ពីព្រោះកន្លងមកក្នុងអំឡុងខែតុលា នេះ ជនរងគ្រោះធ្លាប់ទៅរកចង.កសម្លាប់ខ្លួនចំនួន២លើករួចមកហើយ តែត្រូវសាច់ញាតិជួយទាន់ ។
មុនថ្ងៃកើតហេតុ ឪពុកមា និងឈ្មោះ យិន ឡូ បានទៅស្នាក់នៅក្នុងវត្តដើម្បីឱ្យព្រះសង្ឃស្រោចទឹក ហើយនៅយប់កើតហេតុនោះ ក៏ដេកនៅជិតគ្នាទៀត ។ លុះដល់ម៉ោង៤និង៣០នាទីទៀបភ្លឺ ឈ្មោះ សួ នាង ក្រោកពីដេករកមើលជនរងគ្រោះអត់ឃើញ ក៏ដើររកនៅក្នុងវត្ត ស្រាប់តែឃើញចង.កសម្លាប់ខ្លួននៅលើដើមគគីរស្លាប់បាត់ទៅហើេយ ក៏ស្រែកហៅព្រះសង្ឃឱ្យជួយ និងកាត់ខ្សែដាក់ចុះមកដី ។
មន្ត្រីនគរបាលប៉ុស្ដិ៍ព្រែកដំបង បានសហការជាមួយក្រុមប្រឹក្សាឃុំ និងមន្ត្រីបច្ចេកទេសស្រុកបានពិនិត្យរួចឃើញថា ពិតជាចង.កសម្លាប់ខ្លួនប្រាកដមែន ហើយបានប្រគល់សពទៅឱ្យក្រុមគ្រួសារដើម្បីធ្វើបុណ្យតាមប្រពៃណី ៕
ចែករំលែកព័តមាននេះ