ខេត្តបាត់ដំបង ៖ សេចក្តីរាយការណ៍បានឱ្យដឹងថា គ្រូពេទ្យ យ៉ែម ជ្រិន ត្រូវបាននាំមកដល់សាលាដំបូងខេត្តជាថ្មីទៀត នាវេលាម៉ោង០៨ព្រឹកថ្ងៃទី២១ តុលា ២០១៥ នេះ ដើម្បីបន្តបើកសវនាការសាកសួរ ពាក់ព័ន្ធលើសំណុំរឿងការចម្លងមេរោគអេដស៍ដល់អ្នកភូមិរកា ក្នុងនោះគេឃើញខាងភាគីដើមបណ្តឹងថ្មីទៀត (ជនរងគ្រោះ)ចំនួនជាង១០នាក់ បានមកចូលរួមក្នុងបន្ទប់សាកសួរផង
ដែរ ។
ប្រភពបានឱ្យដឹងថា នៅមុខសាលាដំបូងខេត្ត គេឃើញមានឆ្មាំគុក, កងកម្លាំងប៉ូលិស និងកម្លាំងប៉េអឹមជាច្រើននាក់បានមកឈរការពារដូចថ្ងៃម្សិលមិញដែរ រួមទាំងមានក្រុមសាច់ញាតិរបស់គ្រូពេទ្យយ៉ែម ជ្រិន ផង។
ប្រភពបន្តថា កាលពីថ្ងៃទី២១ តុលា នោះ ការសាកសួររបស់ចៅក្រម គេមិនទាន់ដឹងច្បាស់ពីលទ្ធផលនៅឡើយទេ ខណៈដែលខាងភាគីជនរងគ្រោះ បានធ្វើការទាមទារនូវសំណង ហើយនិងសុំឱ្យតុលាការត្រូវតែផ្តន្ទាទោសទៅតាមច្បាប់ ប្រសិនបើរកឃើញភាពខុសណាមួយ ឬក៏មានភស្តុតាងជាក់លាក់ហើយនោះ ។
ចំណែកឯគ្រូពេទ្យ យ៉ែម ជ្រិន វិញ ហាក់ដូចជាមិនចង់និយាយស្តី និងមិនបានឆ្លើយនូវអ្វីគ្រប់គ្រាន់ជាមួយចៅក្រមដែលបានសាកសួរនោះទេ គ្រាន់តែបានព្យាយាមឆ្លើយបដិសេធថា គាត់មិនបានធ្វើខុសឡើយ ។
គួររំលឹកថា ការធ្វើតេស្តឈាមក្នុងស្រុកសង្កែ ប្រទះឃើញអ្នកមានផ្ទុកមេរោគអេដស៍កើនចំនួន៩០នាក់ហើយក្នុងភូមិ-ឃុំរកា
ចែករំលែកព័តមាននេះ