បញ្ជូនគូស្នេហ៍សហាយស្មន់ដែលប្តីតាមទាន់នៅផ្ទះសំណាក់ដាក់ពន្ធនាគារ
រាជធានីភ្នំពេញ ៖ តាមសេចក្តីរាយការណ៍បានឱ្យដឹងថា ស្ត្រី និងបុរសជាសហាយដែលប្តីតាមទាន់នៅផ្ទះសំណាក់
រាជធានីភ្នំពេញ ៖ តាមសេចក្តីរាយការណ៍បានឱ្យដឹងថា ស្ត្រី និងបុរសជាសហាយដែលប្តីតាមទាន់នៅផ្ទះសំណាក់
រាជធានីភ្នំពេញ ៖ តាមសេចក្តីរាយការណ៍បានឱ្យដឹងថា ស្ត្រី និងបុរសជាសហាយដែលប្តីតាមទាន់នៅផ្ទះសំណាក់ ហើយប្តឹងសមត្ថកិច្ចឱ្យឃាត់ខ្លួនកាលពីយប់មិញ ត្រូវសមត្ថកិច្ចបញ្ជូនទៅឃុំខ្លួនពន្ធនាគារខេត្តកណ្តាលហើយនៅរសៀលថ្ងៃទី៤ កញ្ញា នេះ។
គួររំលឹកថា កាលពីវេលាម៉ោង៩យប់ ថ្ងៃទី៣ កញ្ញា បុរសម្នាក់ត្រូវមិត្តភក្តិទូរស័ព្ទមកប្រាប់ថា ឃើញប្រពន្ធរបស់ខ្លួនដើរចូលផ្ទះសំណាក់ឡាលីនស្ថិតក្នុងភូមិដើមមៀន សង្កាត់ដើមមៀន ក្រុងតាខ្មៅ ជាមួយប្រុសម្នាក់ទៀត ពេលនោះជនរងគ្រោះក៏បានជិះម៉ូតូមកដល់ផ្ទះសំណាក់នេះ ហើយបានឃើញប្រពន្ធរបស់ខ្លួននៅជាមួយប្រុសម្នាក់ពិតមែន គឺនៅបន្ទប់លេខ២០៨ ក៏បានរាយការណ៍ទៅសមត្ថកិច្ចឱ្យជួយអន្តរាគមន៍ និងបាននាំខ្លួនស្ត្រីជាប្រពន្ធ និងបុរសជាសហាយទៅកាន់ប៉ុស្តិ៍ដើមមៀនដើម្បីបន្តមកអធិការដ្ឋានចាត់ការតាមនីតិវិធី។
បុរសជាប្តីមានឈ្មោះហេង សុធី អាយុ៣៤ឆ្នាំ មុខរបរធ្វើចំការ មានទីលំនៅភូមិព្រែកប្ញស្សី សង្កាត់ព្រែកប្ញស្សី ក្រុងតាខ្មៅ ខេត្តកណ្តាល ចំណែកស្ត្រីជាប្រពន្ធដែលលួចនាំប្រុសចូលផ្ទះសំណាក់ឈ្មោះញ៉ាន ស្រីអូន អាយុ២៧ឆ្នាំ ជាអ្នកលក់ដូរ ស្នាក់នៅផ្ទះជួលក្នុងភូមិដើមមៀន សង្កាត់ដើមមៀន ក្រុងតាខ្មៅ និងបុរសជាសហាយឈ្មោះនូ ចាន់ធា អាយុ៣៣ឆ្នាំ ជាអ្នកបញ្ចូលបទភ្លេងទូរស័ព្ទ ស្នាក់នៅភូមិព្រែកប្ញស្សី សង្កាត់ព្រែកប្ញស្សី ក្រុងតាខ្មៅ។
ប្រភពបានឱ្យដឹងទៀតថា ប្តីប្រពន្ធទាំង២នាក់នេះបានឈ្លោះទាស់ទែងគ្នា តែគេមិនបានដឹងថា រឿងអ្វីទេ ហើយប្រពន្ធបានចុះចេញពីផ្ទះមករស់នៅផ្ទះជួលរយៈពេលជាង១ខែហើយ ដោយមិនទាន់បានលែងលះគ្នាដាច់ស្រេចនៅឡើយទេ គឺនិយាយថាលែងតែមាត់ ក្រោយមកស្ត្រីជាប្រពន្ធបានលួចមានទំនាក់ទំនងជាមួយបុរសថ្មីដែលជាអ្នកបញ្ចូលភ្លេងទូរស័ព្ទ និងធ្លាប់ណាត់គ្នាចូលផ្ទះសំណាក់២-៣ដងហើយ ហើយឭគេថា បុរសនេះធ្លាប់ឧបត្ថម្ភលុយកាក់ខ្លះៗដល់ស្ត្រីរូបនេះផងដែរ៕
ចែករំលែកព័តមាននេះ