ខេត្តបន្ទាយមានជ័យ ៖ ថ្នាក់ដឹកនាំយោធាកងពលតូចលេខ៥១ បានតឿនរំលឹកដល់កម្លាំងតាមព្រំដែនមិនឱ្យដាក់កុងត្រូលជជុះ ត្រូវចូលរួមទប់ស្កាត់ទំនិញគេចពន្ធ និងទប់ស្កាត់ឱ្យបានពលករចំណាកស្រុកដោយខុសច្បាប់
ខេត្តបន្ទាយមានជ័យ ៖ ថ្នាក់ដឹកនាំយោធាកងពលតូចលេខ៥១ បានតឿនរំលឹកដល់កម្លាំងតាមព្រំដែនមិនឱ្យដាក់កុងត្រូលជជុះ ត្រូវចូលរួមទប់ស្កាត់ទំនិញគេចពន្ធ និងទប់ស្កាត់ឱ្យបានពលករចំណាកស្រុកដោយខុសច្បាប់ ដែលការលើកឡើងធ្វើឡើងក្នុងពិធីបិទវគ្គហ្វឹកហ្វឺនទូទៅនៅហ្នឹងកន្លែង កាលពីថ្ងៃទី០១ កញ្ញា ២០១៥ នៅទីបញ្ជាការកងវរសេនាតូចលេខ៥១៥ ។
លោកវរសេនីយ៍ឯក ឃួន ជឿន មេបញ្ជាការរងកងពលតូចលេខ៥១ និងជាមេបញ្ជការវរសេនាតូចលេខ៥១៥ បានមានប្រសាសន៍ថា ការបិទវគ្គហ្វឹកហ្វឺនទូទៅនៅហ្នឹងកន្លែងរបស់វរសេនាតូចលេខ៥១៥ មានសិក្ខាមចំនួន១០០នាក់ ហ្វឹកហ្វឺនចំនួន៣០ថ្ងៃ ។
លោកឧត្តមសេនីយ៍ត្រី សេង ធារិន មេបញ្ជាការរង និងជានាយសេនាធិការកងពលតូចលេខ៥១ បានមានប្រសាសន៍ថា កម្លាំងយោធាសំខាន់ត្រូវយកចិត្តទុកដាក់ចំពោះការហ្វឹកហ្វឺន ធ្វើយ៉ាងណាឱ្យស្គាល់ពីច្បាប់របស់កម្លាំងយោធា និងយុទ្ធសាស្គ្រការងារការពារជាតិ និងបូរណភាពទឹកដី ។
លោកបានតឿនរំលឹកដល់កងកម្លាំងយោធា ដែលឈជើងតាមបន្ទាត់ព្រំដែនមិនត្រូវដាក់កុងត្រូលជជុះជំរិតទារលុយពីប្រជាពលរដ្ឋដែលរកស៊ីតាមបន្ទាត់ព្រំឡើយ ហើយត្រូវសហការជាមួយកងកម្លាំងតាមស្ថាប័នពាក់ព័ន្ធ ដើម្បីចូលរួមទប់ស្កាត់រាល់ទំនិញគេចពន្ធ ដើម្បីឱ្យមន្ត្រីស្ថាប័នជំនាញប្រមូលពន្ធជូនរដ្ឋ ហើយកត្តាសំខាន់ត្រូវមានវិធានទប់ស្កាត់ឱ្យបានពលករចំណាកស្រុកដោយខុសច្បាប់ ៕
ចែករំលែកព័តមាននេះ