ខេត្តព្រះសីហនុ ៖ ស្ត្រីម្នាក់ត្រូវបានគេជួយសង្គ្រោះ បន្ទាប់ពីស្ត្រីរូបនេះបានលេបថ្នាំប៉ុនប៉ងសម្លា.ប់ខ្លួន ព្រោះតែមានទំនាស់នៅក្នុងគ្រួសារបង្កការភ្ញាក់ផ្អើល កាលពីវេលាម៉ោង៩ព្រឹកថ្ងៃទី៣១ សីហា
ខេត្តព្រះសីហនុ ៖ ស្ត្រីម្នាក់ត្រូវបានគេជួយសង្គ្រោះ បន្ទាប់ពីស្ត្រីរូបនេះបានលេបថ្នាំប៉ុនប៉ងសម្លាប់ខ្លួន ព្រោះតែមានទំនាស់នៅក្នុងគ្រួសារបង្កការភ្ញាក់ផ្អើល កាលពីវេលាម៉ោង៩ព្រឹកថ្ងៃទី៣១ សីហា នៅភូមិឫទ្ធី១ ឃុំកែវផុស ស្រុកស្ទឹងហាវ ។
ប្រភពនៅកន្លែងកើតហេតុបានឱ្យដឹងថា ស្ត្រីដែលចង់បញ្ចប់ជីវិតរូបនេះ ឈ្មោះ ផា ស្រីមុំ អាយុ២៨ឆ្នាំ ជាមេផ្ទះ មានកូន២នាក់ និងមានទីលំនៅក្នុងភូមិឃុំកើតហេតុខាងលើ បានលេបថ្នាំគ្រាប់ផ្តាសាយមិនដឹងអស់ប៉ុន្មានគ្រាប់ ប៉ុន្តែត្រូវបានគេជួយសង្គ្រោះទាន់ពេលវេលា មិនបណ្តាលឱ្យស្លាប់នោះឡើយ ។
ប្រភពបន្តថា មូលហេតុដែលស្ត្រីរូបនេះលេបថ្នាំប៉ុនប៉ងសម្លាប់ខ្លួន ព្រោះតែមានទំនាស់ជាមួយបុរសជាប្តី មុនថ្ងៃកើតហេតុមួយយប់ គឺព្រលប់ថ្ងៃទី៣០ សីហា ស្ត្រីជាប្រពន្ធបានលេបថ្នាំផ្តាសាយដើម្បីសម្លាប់ខ្លួន តែដោយថ្នាំដែលលេបនេះមានចំនួនតិចតួច មិនបណ្តាលឱ្យមានគ្រោះថ្នាក់ដល់ជីវិតឡើយ ។
ដោយឡែក បុរសជាប្តីមិនបានដឹងថា ប្រពន្ធខឹងដល់ថ្នាក់លេបថ្នាំសម្លាប់ខ្លួនទេ ព្រឹកឡើងក៏ចេញទៅធ្វើការនៅក្រុមហ៊ុនបាត់ លុះដល់ម៉ោងជាង៨ព្រឹក ក៏មានការឆោឡោ ក្រោយពីអ្នកភូមិឃើញស្ត្រីរូបនេះ មានទឹកមុខស្លេកស្លាំង ក៏បានទូរស័ព្ទហៅប្តីមកដឹកយកទៅសង្គ្រោះនីគ្លីនិកឯកជនមួយ ៕
ចែករំលែកព័តមាននេះ