រាជធានីភ្នំពេញ ៖ នៅក្នុងជំនួបពិភាក្សារវាងលោកថោង ខុន រដ្ឋមន្ត្រីក្រសួងទេសចរណ៍ និងលោកគ្រីស្តូហ្វើ ប៊ីម៉ុនធើរ៉ូ (H.E Mr Christopher B.Montero) ឯកអគ្គរដ្ឋទូតហ្វីលីពីនថ្មីប្រចាំប្រទេសកម្ពុជា កាលពីរសៀលថ្ងៃទី៤ សីហា ២០១៥ នៅទីស្តីការក្រសួងទេសចរណ៍ ភាគីទាំង២សុទ្ធតែលើកឡើងអំពីវិធានការ និងបញ្ហាសំខាន់ៗ ដើម្បីជម្រុញកំណើនភ្ញៀវទេសចរ សម្រាប់
រាជធានីភ្នំពេញ ៖ នៅក្នុងជំនួបពិភាក្សារវាងលោកថោង ខុន រដ្ឋមន្ត្រីក្រសួងទេសចរណ៍ និងលោកគ្រីស្តូហ្វើ ប៊ីម៉ុនធើរ៉ូ (H.E Mr Christopher B.Montero) ឯកអគ្គរដ្ឋទូតហ្វីលីពីនថ្មីប្រចាំប្រទេសកម្ពុជា កាលពីរសៀលថ្ងៃទី៤ សីហា ២០១៥ នៅទីស្តីការក្រសួងទេសចរណ៍ ភាគីទាំង២សុទ្ធតែលើកឡើងអំពីវិធានការ និងបញ្ហាសំខាន់ៗ ដើម្បីជម្រុញកំណើនភ្ញៀវទេសចរ សម្រាប់ប្រទេសទាំង២ ។
លោក ថុក សុខុម ប្រធាននាយកដ្ឋានសហប្រតិបត្តិការអន្តរជាតិ និងអាស៊ាននៃក្រសួងទេសចរណ៍បានប្រាប់ក្រុមអ្នកសារព័ត៌មាននៅក្រោយជំនួបពិភាក្សានោះថា ដោយមានកិច្ចសហប្រតិបត្តិការរវាងព្រះរាជាណាចក្រកម្ពុជា និងប្រទេសហ្វីលីពីន កាន់តែមានភាពប្រសើរជាលំដាប់ ដែលអាចចាត់ទុកជាប្រទេសដៃគូមួយលើកវិស័យការទូតទេសចរណ៍ និងវិស័យសំខាន់ផ្សេងៗមួយចំនួនទៀត ពិសេសមានការហោះហើរត្រង់មកកាន់ខេត្តសៀមរាបអង្គរ ។ ដូច្នេះរដ្ឋមន្ត្រីក្រសួងទេសចរណ៍ លោក ថោង ខុន ស្នើឱ្យមានការបង្កើនជើងហោះហើរត្រង់មកកាន់រាជធានីភ្នំពេញបន្ថែមទៀត។
លោក ថុក សុខុម បានឱ្យដឹងទៀតថា ទន្ទឹមនោះ លោករដ្ឋមន្ត្រីបានជម្រាបឯកអគ្គរដ្ឋទូតហ្វីលីពីនថា កម្ពុជានៅមាន MOU មួយស្តីពីកិច្ចសហប្រតិបត្តិការលើវិស័យទេសចរណ៍ជាមួយហ្វីលីពីន ដែលនៅមិនទាន់បានចុះហត្ថលេខានៅឡើយ ។ ដូច្នេះ លោករដ្ឋមន្ត្រី និងឯកអគ្គរដ្ឋទូតថ្មីសន្យាថានឹងរៀបចំរឱ្យរួចរាល់ក្នុងពេលខាងមុខនេះ ដើម្បីបង្កើនភ្ញៀវទេសចររវាងប្រទេសទាំង២ ។
យ៉ាងណាក៏ដោយ លោកថោង ខុន បានចាត់ទុកការចុះអនុស្សារណៈយោលយល់គ្នានេះ (MOU) ជាការសំខាន់ណាស់ ក្នុងការពង្រឹងវិស័យទេសចរណ៍ ក៏ដូចជាការបង្កើនចំនួនភ្ញៀវទេសចររវាងកម្ពុជា និងហ្វីលីពីន ហើយលោកបានស្នើឱ្យរដ្ឋមន្ត្រីក្រសួងទេសចរណ៍ហ្វីលីពីនអញ្ជើញមកចុះហត្ថលេខានៅប្រទេសកម្ពុជា ពិសេសក្រសួងទាំងពីរនឹងបង្កើនការផ្លាស់ប្តូរបទពិសោធន៍ពីគ្នាទៅវិញទៅមកឱ្យបានកាន់តែញឹកញាប់ ទាំងការគ្រប់គ្រងអភិវឌ្ឍន៍ ក៏ដូចជាការធ្វើផែនការល្អ លើការអភិវឌ្ឍន៍វិស័យទេសចរណ៍នៅកម្ពុជាផងដែរ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ