ខេត្តពោធិ៍សាត់ ៖ ចោរស្រីជើងឆើតម្នាក់ ត្រូវនគរបាលប៉ុស្តិ៍ធ្វើការដេញចាប់បានភ្លាមៗ បន្ទាប់ពីធ្វើសកម្មភាពបំពុលឆ្កែងាប់អស់ចំនួន៤ក្បាល ហើយចូលយកម៉ូតូរបស់ប្រជាពលរដ្ឋមួយគ្រឿង ដែលដាក់ក្នុងឃ្លុបក្រោមផ្ទះ ប៉ុន្តែទើបតែបណ្ដើរចេញបានប្រហែល១០ម៉ែត្រ ក៏ត្រូវម្ចាស់ភ្ញាក់ទាន់ស្រែកថា ចោៗក៏ជាប់អន្ទាក់សមត្ថកិច្ចតែម្ដង ។
ខេត្តពោធិ៍សាត់ ៖ ចោរស្រីម្នាក់ត្រូវនគរបាលប៉ុស្តិ៍ធ្វើការដេញចាប់បានភ្លាមៗ បន្ទាប់ពីធ្វើសកម្មភាពបំពុលឆ្កែងាប់អស់ចំនួន៤ក្បាល ហើយចូលយកម៉ូតូរបស់ប្រជាពលរដ្ឋមួយគ្រឿង ដែលដាក់ក្នុងឃ្លុបក្រោមផ្ទះ ប៉ុន្តែទើបតែបណ្ដើរចេញបានប្រហែល១០ម៉ែត្រ ក៏ត្រូវម្ចាស់ភ្ញាក់ទាន់ស្រែកថា ចោៗក៏ជាប់អន្ទាក់សមត្ថកិច្ចតែម្ដង ។
ហេតុការណ៍នេះកើតឡើងកាលពីវេលាម៉ោង១១យប់ថ្ងៃទី២៩ កក្កដា ២០១៥ ស្ថិតនៅចំណុចភូមិអូរស្ដៅ សង្កាត់ផ្ទះព្រៃ ក្រុងពោធិ៍សាត់ ។
ប្រភពបានឱ្យដឹងថា ស្ត្រីសង្ស័យឈ្មោះសិលា វន អាយុ៣៨ឆ្នាំ រស់នៅភូមិផ្សារលើ សង្កាត់ចំរើនផល ក្រុងពោធិ៍សាត់ ។ ចំណែកម្ចាស់ម៉ូតូឈ្មោះសឿន មានទីលំនៅទីកន្លែងកើតហេតុខាងលើ ចំណែកម៉ូតូម៉ាកហុងដាសេ១២៥ ពណ៌ខ្មៅ ស៊េរី២០០៥ ពាក់ស្លាកលេខពោធិ៍សាត់ 1B-9197 ។
នៅចំពោះមុខសមត្ថកិច្ច ជនសង្ស័យបានសារភាពថា ខ្លួនពិតជាបានបំពុលឆ្កែចូលយកម៉ូតូនោះមែន ។ នៅថ្ងៃនោះ ខ្លួនបានទិញថ្នាំបំពុលសត្វកណ្ដុរ១កញ្ចប់ យកមកទុកក្នុងហោប៉ៅ ដើម្បីត្រៀមបំពុលឆ្កែ លុះវេលាម៉ោងប្រហែល០៨ ទៅ០៩យប់នោះ ខ្លួនបានចាប់ផ្ដើមធ្វើសកម្មភាពហែកថ្នាំពុលនោះប្រឡាក់ជាមួយត្រីឆ្អើរ ហើយបោះទៅខាងមុខផ្ទះរបស់ឈ្មោះសឿន ដើម្បីឱ្យឆ្កែស៊ី។
លុះម៉ោងប្រហែល១១យប់ ម្ចាស់ផ្ទះដេកលក់អស់ ឯឆ្កែរបស់គាត់ទំនងជាពុលងាប់អស់ទៀត ។ ដោយឃើញស្ងាត់ ដូច្នេះខ្លួនក៏លបចូលទៅគាស់សោបន្ទប់ក្រោមផ្ទះយកម៉ូតូ ប៉ុន្តែទើបតែបណ្ដើរចេញបានប្រហែល១០ម៉ែត ម្ចាស់ភ្ញាក់ទាន់ស្រែកថាចោរៗ….ពេលនោះខ្លួនដាក់ជន្ទល់ម៉ូតូចោល រត់គេចខ្លួន ប៉ុន្តែត្រូវសមត្ថកិច្ចស្ទាក់ចាប់បានទាំងយប់តែម្ដង។
ចែករំលែកព័តមាននេះ