ខេត្តកំពង់ចាម ៖ កាលពីវេលាព្រឹកថ្ងៃទី២៧ ឧសភា ២០១៥ នេះ នៅសាលប្រជុំសាលាស្រុកកោះសូទិន មានរៀបចំពិធីប្រកាសតែងតាំងលោកវរសេនីយ៍ទោ ប្រេង ហ៊ីម អធិការនគរបាលស្រុកកោះសូទិនថ្មី ជំនួសលោកវរសេនីយ៍ត្រី ម៉ា ចិន្តា អធិការនគរបាលចាស់ចូលនិវត្តន៍ ។
ខេត្តកំពង់ចាម ៖ កាលពីវេលាព្រឹកថ្ងៃទី២៧ ឧសភា ២០១៥ នេះ នៅសាលប្រជុំសាលាស្រុកកោះសូទិន មានរៀបចំពិធីប្រកាសតែងតាំងលោកវរសេនីយ៍ទោ ប្រេង ហ៊ីម អធិការនគរបាលស្រុកកោះសូទិនថ្មី ជំនួសលោកវរសេនីយ៍ត្រី ម៉ា ចិន្តា អធិការនគរបាលចាស់ចូលនិវត្តន៍ ។
លោកឧត្តមសេនីយ៍ត្រី បែន រ័ត្ន ស្នងការនគរបាលខេត្តបានមានប្រសាសន៍ឧ្យដឹងថា លោកអធិការនគរបាល ដែលមកកាន់តំណែងថ្មីនេះ សូមយកចិត្តទុកដាក់ចំពោះមន្ត្រីក្រោមឱវាទ ដោយទឹកចិត្តស្រលាញ់អស់ពីបេះដូង ទើបការងារទទួលបានជោគជ័យនៅក្នុងអង្គភាពរបស់ខ្លួន ។
លោកបន្តថា សូមយកចិត្តទុកដាក់ក្នុងការបង្ក្រាបករណីគ្រឿងញៀន ក្រុមក្មេងទំនើង ល្បែងស៊ីសងគ្រប់ប្រភេទ សំដៅរក្សាភូមិ-ឃុំមានសុវត្ថិភាពទាំង៩ចំណុចរបស់ក្រសួងមហាផ្ទៃ ។ មុននឹងធ្វើអ្វីមួយ ត្រូវតែពិគ្រោះយោបល់ជាមួយនឹងលោកអភិបាលស្រុក ។
សូមលោកមេភូមិមេត្តាជួយផ្សព្វផ្សាយដល់ប្រជាពលរដ្ឋ ដែលមានអាយុចាប់ពី១៥ឆ្នាំឡើង សូមទៅធ្វើអត្តសញ្ញាណប័នប្រភេទថ្មី ដើម្បីត្រៀមការចូលរួមបោះឆ្នោត២០១៨ ខាងមុខនេះ ។
ស្របពេលដែលកម្លាំងរបស់លោកចុះបង្ក្រាបគ្រឿងញៀនបែរជាមានពាក្យខ្លះលើកឡើងថា បង្ក្រាបតែករណីតូចៗទៅវិញ ដូច្នេះបើសិនជាអ្នកណាបានដឹង សូមរាយការណ៍មករូបលោក និងមានវិធានការចុះបង្ក្រាប ៕
ចែករំលែកព័តមាននេះ