រាជធានីភ្នំពេញ ៖ កំណាត់ផ្លូវសុធារសចាប់ពីមុខវត្តឧណ្ណាលោមរហូតដល់ផ្សារចាស់ត្រូវបានសាលារាជធានីបិទបណ្តោះអាសន្នចាប់ពីព្រឹកថ្ងៃទី១៨ ឧសភា នេះ ដើម្បីរៀបចំដាក់ប្រព័ន្ធលូ។
ការបិទផ្លូវនេះត្រូវបានលោកគួច ចំរើន អភិបាលខណ្ឌដូនពេញមានប្រសាសន៍ឱ្យដឹងថា គឺមានសារសំខាន់ណាស់ដោយសារតំបន់ផ្សារកណ្តាលតែងតែលិចទឹករៀងរាល់រដូវវស្សា ដូច្នេះសាលាក្រុងត្រូវតែរៀបចំប្រព័ន្ធលូបង្ហូរទឹកភ្លៀងដើម្បីរំដោះទឹកកុំឱ្យលិចលង់តទៅទៀត។
លោកគួច ចំរើន ក៏បានសុំការអធ្យាស្រ័យពីប្រជាពលរដ្ឋដែលរស់នៅ និងធ្វើដំណើរតាមផ្លូវដែលបិទនោះផងដែរ៕
ចែករំលែកព័តមាននេះ