ខេត្តស្វាយរៀង ៖ ស្ត្រីវ័យ៧៣ឆ្នាំម្នាក់ត្រូវទឹកក្តៅកំពុងពុះកំពប់ស្រោចលើដងខ្លួនត្រឹមសុដន់មកក្រោមរលាកពងរលួយដូចស្រុសខ្លួនឯងទាំងរស់ដួលសន្លប់ស្តូកស្តឹងនៅលើដីគួរឲ្យសង្វេគ គ្រូពេទ្យប្រាប់ថា
ខេត្តស្វាយរៀង ៖ ស្ត្រីវ័យ៧៣ឆ្នាំម្នាក់ត្រូវទឹកក្តៅកំពុងពុះកំពប់ស្រោចលើដងខ្លួនត្រឹមសុដន់មកក្រោមរលាកពងរលួយដូចស្រុសខ្លួនឯងទាំងរស់ដួលសន្លប់ស្តូកស្តឹងនៅលើដីគួរឲ្យសង្វេគ គ្រូពេទ្យប្រាប់ថា សង្ឃឹមតិចណាស់។ ករណីដ៏រន្ធត់នេះកើតឡើងកាលពីវេលាម៉ោង៨ព្រឹក ថ្ងៃទី២ ឧសភា ២០១៥ នៅភូមិអូរក្អាម ឃុំសំបួរ ស្រុកស្វាយទាប។
បើតាមបុរសជាប្តីបានឲ្យដឹងថា ស្ត្រីរងគ្រោះឈ្មោះគង់ សំអ៊ាត អាយុ៧៣ឆ្នាំ មានទីលំនៅភូមិ-ឃុំកើតហេតុខាងលើ ។ មុនពេលកើតហេតុស្ត្រីរងគ្រោះបានដាំទឹកក្តៅហូប ហើយនៅថ្ងៃកើតហេតុប្តី និងកូនៗមិននៅផ្ទះទេ គឺស្ត្រីរងគ្រោះនៅផ្ទះម្នាក់ឯង និងមានជម្ងឺលើសឈាមផង ជម្ងឺទឹកនោមផ្អែមផង។
ពេលដែលដាំទឹកក្តៅពុះក៏ដើរទៅលើកទឹកក្តៅមកចាក់ចូលកំសៀវទុកហូប ខណៈកំពុងលើកឆ្នាំងទឹកក្តៅដើរមកជិតដល់កន្លែងដាក់កំសៀវហើយមិនដឹងយ៉ាងម៉េចទំនងប៉ះអ្វីធ្វើឲ្យភ្ញាក់ក៏ជះទឹកក្តៅចាក់ស្រោចមកលើដងខ្លួនត្រឹមលើសុដន់ចុះមកក្រោមដល់ភ្លៅរលាកពងរលួយបណ្តាលឲ្យដួលដេកទៅលើដីលើទឹកក្តៅដែលកំពប់នោះសន្លប់ឈឹង បន្ទាប់មករូបគាត់ជាប្តីចូលមកដល់ឃើញក៏ប្រញាប់ហៅកូនៗមកជួយលើកឡើងនិងហៅរថយន្តសាមុយដឹកមកកាន់មន្ទីរពេទ្យខេត្តស្វាយរៀង ដោយរបួសធ្ងន់ធ្ងរពេកក៏បញ្ជូនទៅមន្ទីរពេទ្យព្រះកុសុមៈ(ពេទ្យលោកសង្ឃ)រាជធានីភ្នំពេញ។
ពេលមកព្យាបាលនៅមន្ទីរពេទ្យព្រះកុសុមៈ មិនមានការធូស្រាលសន្លប់រហូតមិនដឹងខ្លួនសោះ នៅថ្ងៃទី៥ ឧសភា ២០១៥ ក្រុមគ្រួសារក៏សុំគ្រូពេទ្យយកស្ត្រីរងគ្រោះមកព្យាបាលនៅមន្ទីពេទ្យខេត្តវិញ មកដល់ថ្ងៃទី៦នេះនៅតែមិនទាន់ដឹងខ្លួនទៀត គ្រូពេទ្យប្រាប់ថាសង្ឃឹមតិចតួចណាស់របួសធ្ងន់ធ្ងរពេក៕
ចែករំលែកព័តមាននេះ