ខេត្តបន្ទាយមានជ័យ៖ ពលករខ្មែររាប់រយនាក់ត្រូវបានគេលាក់ទុកក្នុងព្រៃជាប់បន្ទាត់ព្រំដែនខាងជើងច្រករបៀងអូរបីជាន់ក្នុងភូមិអូរបីជាន់ ឃុំអូរបីជាន់ ស្រុកអូរជ្រៅ ចាំរថយន្តថៃមកទទួល។
ខេត្តបន្ទាយមានជ័យ៖ ពលករខ្មែររាប់រយនាក់ត្រូវបានគេលាក់ទុកក្នុងព្រៃជាប់បន្ទាត់ព្រំដែនខាងជើងច្រករបៀងអូរបីជាន់ក្នុងភូមិអូរបីជាន់ ឃុំអូរបីជាន់ ស្រុកអូរជ្រៅ ចាំរថយន្តថៃមកទទួល។ ទីតាំងលាក់ពលករនេះស្ថិតនៅខាងមុខឆៀងខាងជើងច្រករបៀងអូរបីជាន់ប្រមាណប្រហែល៦០ទៅ៧០ម៉ែត្រតែប៉ុណ្ណោះ ដោយក្រុមពលករអង្គុយឈរពេញព្រៃ និងក្នុងអូរព្រំដែន។
គេឃើញរថយន្តដឹកជញ្ជូនពលករបានបើកបរចេញតាមបារ៉ាស់ដែលគ្រប់គ្រងដោយយោធាភូមិភាគ៥ និងយោធាការពារព្រំដែនវរ៥១៥ចំណុះកងពលតូចថ្មើជើងលេខ៥១ច្រករបៀងខាងលើឆ្ពោះទៅទម្លាក់ពលករនៅតំបន់សតែម្ដង។
នៅពេលដែលអ្នកយកព័ត៌មានទៅផ្ដិតយករូបភាពក្រុមពលករនៅបន្ទាត់ព្រំដែនមានជនស៊ីវិលខ្លះសង្ស័យជាយោធាបានជិះម៉ូតូទៅប្រាប់ឲ្យពលកររត់ចូលព្រៃក្នុងដីថៃយ៉ាងពពាក់ពពូនដោយមិនគិតពីគ្រោះថ្នាក់ជាន់មីននោះទេ។ ឯច្រករបៀងមួយទៀតនៅខាងជើងចំណុចកើតហេតុប្រហែល៥០០ម៉ែត្រក៏មានពលករចេញទៅដីថៃខុសច្បាប់ដូចគ្នា ប៉ុន្តែយោធាម្នាក់ចេញមុខមកអះអាងថា ចំណុចគ្រប់គ្រងរបស់លោកមានពលករចេញតិចតួចជាងច្រករបៀងអូរបីជាន់៕
ចែករំលែកព័តមាននេះ