ខេត្តសៀមរាប ៖ កម្លាំងការិយាល័យប្រឆាំងគ្រឿងញៀនខេត្តសៀមរាប បានធ្វើការចាប់ខ្លួន អ្នកចែកចាយគ្រឿងញៀនប្រុសស្រី១៤នាក់ ព្រមទាំងមេខ្លោងនាំមកកាន់ទីបញ្ជាការកងរាជអាវុធហត្ថខេត្តទាំងយប់ ខណៈពួកគេកំពុងចែកចាយនៅផ្ទះ។ ប្រតិបត្តិការចុះ បង្ក្រាបនេះធ្វើឡើងនៅវេលាម៉ោង៨យប់ ថ្ងៃទី១៨ មេសា ២០១៥ ស្ថិតនៅភូមិមណ្ឌល១ សង្កាត់ស្វាយដង្គុំ ក្រុងសៀមរាប។
លោកវរសេនីយ៍ឯក ស្រី យូរ៉ា មេបញ្ជាការរងបានមានប្រសាសន៍ក្នុងការចុះប្រត្តិបត្តិការចុះបង្ក្រាបរហូតឈានដល់ធ្វើការឃាត់ខ្លួនបានទាំងសំបុកនេះ គឺដោយសារមានកម្លាំងសម្ងាត់របស់ការិយាល័យប្រឆាំងគ្រឿងញៀនខេត្តបានតាមដានយ៉ាងល្អិតល្អន់ និងយោងតាមបទបញ្ជារបស់លោកម៉ន សាម៉ុន មេបញ្ជាការកងរាជអាវុធហត្ថខេត្ត ទើបអាចឃាត់ខ្លួនជនសង្ស័យប្រុសស្រី១៤នាក់ ព្រមទាំងបានមេខ្លោងផងដែរ។ លោកបន្តថា ជនសង្ស័យប្រុសស្រីទាំង១៤នាក់ និងមេខ្លោង មាន១-ឈ្មោះឈឹម គឹមឈុន ភេទប្រុស អាយុ២៥ ឆ្នាំ នៅភូមិស្ទឹងថ្មី សង្កាត់ស្វាយដង្គុំ មុខរបររត់ម៉ូតូឌុប (ជាមេខ្លោង) ២-ឈ្មោះចាន់ សុជាតិ ភេទប្រុស អាយុ៣២ឆ្នាំ នៅភូមិបឹងដូនប៉ា សង្កាត់ស្លក្រាម ៣-ឈ្មោះសាក់ សេដ្ឋា ភេទប្រុស អាយុ៣៤ឆ្នាំ នៅភូមិមណ្ឌល១ សង្កាត់ស្វាយដង្គុំ ៤-ឈ្មោះឯក ទិត្យ ភេទប្រុស អាយុ១៨ឆ្នាំ នៅភូមិខ្នារថ្មី សង្កាត់ជ្រាវ ៥-ឈ្មោះទុយ សុជី ភេទប្រុស អាយុ៣១ឆ្នាំ នៅភូមិវត្តស្វាយ សង្កាត់សាលាកំរើក ៦-ឈ្មោះបាន សារឿន ភេទប្រុស អាយុ៣៣ឆ្នាំ នៅភូមិទ្រៀក សង្កាត់សៀមរាប ៧-ឈ្មោះខៀវ សាវន ភេទប្រុស អាយុ២៣ឆ្នាំ នៅភូមិបឹង សង្កាត់ជ្រាវ ៨-ឈ្មោះប៊ិន រក្សា ភេទទី៣ អាយុ២៣ឆ្នាំ នៅភូមិមណ្ឌល៣ សង្កាត់ស្លក្រាម ៩-ឈ្មោះខៀវ ព្រំវាសនា ភេទប្រុស អាយុ២៤ឆ្នាំ នៅភូមិវត្តបូណ៍ សង្កាត់សាលាកំរើក ១០-ឈ្មោះចាន់ ឆាវ៉ាន ភេទប្រុស អាយុ ២៤ឆ្នាំ នៅភូមិវត្តបូណ៍ សង្កាត់សាលកំរើក ១១-ឈ្មោះឆុន វិបុល ភេទប្រុស អាយុ១៩ឆ្នាំ នៅភូមិស្ពានជ្រាវ សង្កាត់សៀមរាប ១២-ឈ្មោះទេព ពិសិដ្ធ ភេទប្រុស អាយុ១៨ឆ្នាំ នៅភូមិស្ពានជ្រាវ សង្កាត់សៀមរាប ១៣-ឈ្មោះសុខ ភត្រា ភេទប្រុស អាយុ២១ឆ្នាំ នៅភូមិចុងកៅស៊ូ សង្កាត់ស្លក្រាម និង១៤- ឈ្មោះសំ វាសនា ភេទប្រុស អាយុ២៣ឆ្នាំ នៅភូមិទ្រាំង សង្កាត់ស្លក្រាម ក្រុងសៀមរាប។
លោកបានបន្តទៀតថា ក្រោយឃាត់ខ្លួន និងឆែកឆេរ រកឃើញវត្ថុតាងរយមមាន ទូរស័ព្ទដៃចំនួន១១គ្រឿង និងម៉ូតូ៨គ្រឿង ព្រមទាំងឧបករណ៍កែច្នៃជក់មួយចំនួនធំផងដែរ។
បច្ចុប្បនុ្នកម្លាំងជំនាញរបស់ការិយាល័យប្រឆាំងគ្រឿងញៀនខេត្ត កំពុងរៀបចំកសាងសំណុំរឿងបញ្ជូនទៅតុលាការនៅរសៀលថ្ងៃទី១៩ មេសា ២០១៥ ដើម្បីចាត់ការទៅតាមផ្លូវច្បាប់៕
ចែករំលែកព័តមាននេះ