ខេត្តកំពត ៖ ស្ត្រីវិកលចរិតម្នាក់បានកា.ប់ក្បាលឪពុករបស់ខ្លួនបំបែកជា២ហើយកា.ប់ដៃទាំង២ចេញ រួចកា.ប់សម្លា.ប់បងស្រីបង្កើតម្នាក់ទៀតបណ្តាលឱ្យស្លា.ប់ក្នុងថ្លុកឈាមទាំង២នាក់ ចំណែកម្តាយក៏ត្រូវស្ត្រីវិកលចិរតនោះអូសចេញវាយធ្វើបាប
ខេត្តកំពត ៖ ស្ត្រីវិកលចរិតម្នាក់បានកាប់ក្បាលឪពុករបស់ខ្លួនបំបែកជា២ហើយកាប់ដៃទាំង២ចេញ រួចកាប់សម្លាប់បងស្រីបង្កើតម្នាក់ទៀតបណ្តាលឱ្យស្លាប់ក្នុងថ្លុកឈាមទាំង២នាក់ ចំណែកម្តាយក៏ត្រូវស្ត្រីវិកលចិរតនោះអូសចេញវាយធ្វើបាបដែរតែបានរត់គេចផុតពីការសម្លាប់។ ហេតុការណ៍នេះបានកើតឡើងនៅចន្លោះម៉ោង១០ទៅម៉ោង១១ និង៣០នាទីយប់ ថ្ងៃទី១៤ មេសា ២០១៥ នៅក្នុងភូមិត្រពាំងជ្រៃ ឃុំដំណាក់កន្ទួតខាងត្បូង ស្រុកកំពង់ត្រាច។
លោកអនុសេនីយ៍ឯក រ័ត្ន សំអាង អធិការរងនគរបាលស្រុកកំពង់ត្រាចបានប្រាប់ឱ្យដឹងថា ស្ត្រីវិកលចរិតដែលសម្លាប់ឪពុក និងបងស្រីមានឈ្មោះមុំ សុភា ហៅព្រុច អាយុ៤០ឆ្នាំ ជាស្ត្រីមេម៉ាយ មានកូនស្រីម្នាក់ឈ្មោះទួន លីដា អាយុ១២ឆ្នាំ រស់នៅជាមួយជនរងគ្រោះឈ្មោះណុប ទួន អាយុ៧៨ឆ្នាំ ជាឪពុកស្ត្រីវិកលចរិត និងស្ត្រីម្នាក់ទៀតដែលត្រូវស្ត្រីវិកលចរិតសម្លាប់ដែរនោះឈ្មោះមុំ ផាត អាយុ៥៨ឆ្នាំ ។
បើតាមសម្តីជីដូនចាស់ត្រូវជាប្រពន្ធជនរងគ្រោះបានឱ្យដឹងថា ខណៈពេលកំពុងដេកលក់អស់ ស្រាប់តែកូនស្រីវិកលចរិតនេះមិនដឹងមកពីណាទេទាំងយប់មកវាយកូនស្រីរបស់គេឈ្មោះទួន លីដា ធ្វើឱ្យនាងរត់ចេញពីផ្ទះបាត់។ ជីដូនចាស់បានបញ្ជាក់ថា ក្រោយពីចៅស្រីរត់ចេញពីផ្ទះបាត់ គាត់ក៏បាននិយាយទៅកាន់កូនស្រីវិកលចរិតនោះ ស្រាប់តែនាងស្ទុះមកចាប់អូសគាត់ចេញ តែគាត់បានរត់រួចទៅដេកផ្ទះអ្នកភូមិ។
ចំណែកប្តីស្ត្រីរងគ្រោះឈ្មោះមុំ ផាត បាននិយាយថា នៅវេលាយប់នោះ ប្រពន្ធរបស់គាត់បានឮសូរក្តុងក្តាំងនៅផ្ទះម្តាយក្មេក ឪពុកក្មេក ប្រពន្ធគាត់ក៏បានប្រាប់គាត់ថា ទៅមើលនៅផ្ទះម៉ែ ព្រោះឮសូររញ៉េរញ៉ៃ ហើយក៏មកបាត់រហូត។ គាត់ស្មានតែមិនមានអ្វីកើតឡើងទេ ម្យ៉ាងទៀតស្មានតែប្រពន្ធគាត់ដេកនៅផ្ទះម្តាយ លុះព្រឹកព្រលឹមថ្ងៃទី១៥ មេសា ទើបកូនប្រុសគាត់មកផ្ទះជីតាស្រាប់តែប្រទះឃើញសពម្តាយដេកស្លាប់នៅមុខផ្ទះ និងសពជីតាត្រូវកាប់សម្លាប់នៅវាលស្រែខាងលិចផ្ទះក៏មានការភ្ញាក់ផ្អើលតែម្តង។
ដោយឡែកស្ត្រីវិកលចរិតរូបនោះ ក្រោយពីកាប់សម្លាប់ឪពុក និងបងស្រីរួចហើយបានសម្ងំដេកនៅក្នុងផ្ទះដោយយកក្រមាចង.កខ្លួនឯង ក៏ត្រូវនគរបាលចូលចាប់ខ្លួនបានតែម្តង ដោយប្រមូលបានពូថៅ២ កាំបិតផ្គាក់៤ ប៉ុន្តែមានកាំបិតផ្គាក់តែមួយទេ មានស្នាមឈាម និងសក់ជាប់កាំបិត៕
ចែករំលែកព័តមាននេះ