ខេត្តមណ្ឌលគិរី ៖ មន្ត្រីរាជការក៏ដូចប្រជាពលរដ្ឋ នៅក្នុងខេត្តមណ្ឌលគិរីដែលបានធ្វើដំណើទៅមក បាននាំគ្នារិះគន់ថា កំណាត់ជាតិផ្លូវលេខ៧៦ ប្រវែងប្រហែល៤០០មែត្រប៉ុណ្ណោះ ត្រង់ចំណុចគីឡូមែត្រលេខ៥០
ខេត្តមណ្ឌលគិរី ៖ មន្ត្រីរាជការក៏ដូចប្រជាពលរដ្ឋ នៅក្នុងខេត្តមណ្ឌលគិរីដែលបានធ្វើដំណើទៅមក បាននាំគ្នារិះគន់ថា កំណាត់ជាតិផ្លូវលេខ៧៦ ប្រវែងប្រហែល៤០០មែត្រប៉ុណ្ណោះ ត្រង់ចំណុចគីឡូមែត្រលេខ៥០ ស្ថិតក្នុងឃុំស្រែព្រះ ស្រុកកែវសីមា ឃើញតែជួសជុល ទាំងប្រាំង និងវស្សាគ្មានពេលឈប់សោះ ហាក់ដូចមន្ទីរសាធារណការខេត្តមណ្ឌលគិរីនេះ អសមត្ថភាព មិនមានជំនាញ និងបច្ចេកទេសគ្រប់គ្រាន់ក្នុងការជុសជុល ។
ពួកគាត់បាននាំគ្នារិះគន់បែបនេះ បន្ទាប់ពីបានឃើញមានគ្រឿងចក្ររបស់ក្រុមឈ្មួញវៀតណាម បានចុះមកកាយផ្លូវ ដែលខូច និងជួសជុលជា រៀងរាល់ឆ្នាំ នៅក្នុងភូមិសាស្ត្រខាងលើ ថែមទាំងមានក្រុមឈ្មួញវៀតណាមឈ្មោះ តាហាយ មកឈរដឹកនាំជួសជុល និងបច្ចេកទេសផ្ទាល់នោះថែមទៀត ។
លៀសពីនេះទៀតការជួសជុលផ្លូវនេះ ខាងមន្ទីរសាធារណការ និងដឹកជញ្ជូនខេត្តមណ្ឌលគិរី បានចុះកិច្ចសន្យាជាមួយឈ្មួញម្នាក់ឈ្មោះ ឡេង មានទីលំនៅ ស្រុកកែវសីមា ក្នុងការប្រគល់ឲ្យជួសជុលកំណាត់ផ្លូវជាតិលេខ៧៦នេះ ដែលគេដឹងថា រាល់គ្រឿងចក្រទាំងអស់នោះ ត្រូវបានលួចនាំចូលពីប្រទេសវៀតណាម តាមច្រកព្រំដែន ក្នុងស្រុកកែវសីមា មិនមានការបង់ពន្ធត្រឹមត្រូវជូនរដ្ឋនោះទេ ។
ឈ្មោះឡេង ដែលជាអ្នកម៉ៅការជួសជុលផ្លូវនោះបានឲ្យដឹងថា គាត់បានចុះកិច្ចសន្យាជាមួយខាងមន្ទីរសាធារណការខេត្ត ប្រវែង២.០០០ម៉ែត្រពិតមែន តែទទួលកាយដីផ្លូវ ជម្រៅ៦០សង់ទីមែត្រចេញចាក់ដីថ្មីចូល កិនបង្ហាប់ និងចាក់ថ្មកៅស៊ូឡើងវិញ ។ តែកម្រាស់ប៉ុន្មានរួម និងតម្លៃក្នុងមួយម៉ែត្រការេប៉ុន្មាននោះ មិនបានបញ្ជាក់គ្រាន់តែថា បានតំលៃថោក ចេះតែធ្វើទៅ ។ កោះសន្តិភាពមិនអាចសុំការបំភ្លឺពីលោកម៉ៅ ធនារក្ស ប្រធានមន្ទីរសាធារណការខេត្តបានទេនៅព្រឹក ថ្ងៃទី៣០ មីនា នេះទេ ព្រោះលេខទូរសព្ទ័របស់លោកបានបិទ ៕
ចែករំលែកព័តមាននេះ