ខេត្តកំពង់ស្ពឺ ៖ នគរបាលស្រុកឱរ៉ាល់បានធ្វើការឃាត់ខ្លួនស្ត្រីម្នាក់ រួមទាំងគ្រឿងញៀន៦កញ្ចប់ ហើយជនម្នាក់ដែលជាកូនបានរត់គេចខ្លួនបាត់ ខណៈឌុបម្តាយ (ស្ត្រីឃាត់ខ្លួន) ដើរលក់គ្រឿងញៀន កាលពីវេលាម៉ោង០៤ និង១៥នាទីរសៀលថ្ងៃទី២៩ មីនា ២០១៥ ស្ថិតនៅម្តុំអូរវ័នចៀសខាងកើតទេទឹកពុះ លើកំណាត់ផ្លូវជាតិលេខ៤៤ ក្នុងភភូមិដូង ឃុំតាសាល ស្រុកឱរ៉ាល់ ។
ប្រភពបានឱ្យដឹងថា ស្ត្រីសង្ស័យឈ្មោះស៊ិន ភឿន អាយុ៥៩ឆ្នាំ មុខរបរមិនពិតប្រាកដ រស់នៅភូមិជំនាប់ ឃុំសង្កែសាទប ស្រុកឱរ៉ាល់ ។ ចំណែកកូនប្រុសដែលរត់គេចខ្លួនឈ្មោះស៊ុម ខ្លា អាយុ២៨ឆ្នាំ រស់នៅក្នុងផ្សារកន្ទួត ឃុំសង្កែសាទប ស្រុកឱរ៉ាល់ ។
ប្រភពបន្តថា មុនពេលឃាត់ខ្លួននេះ ខណៈកម្លាំងកំពុងល្បាតតាមមូលដ្ឋាន ក៏ស្រាប់តែឃើញយុវជនខាងលើកំពុងជិះម៉ូតូម៉ាកយ៉ាម៉ាហា ស៊េរីចាស់គ្មានស្លាកលេខ និងឌុបម្តាយ ដោយមានការសង្ស័យកម្លាំងយើងក៏ធ្វើការឃាត់ខ្លួន ដើម្បីសួរនាំ ស្រាប់តែជននោះបានផ្តួលម៉ូតូចោលរត់គេចខ្លួន ទុកម្តាយនៅកន្លែងកើតហេតុ ពេលនោះត្រូវកម្លាំងឆែកឆេរ ក៏រកឃើញញៀនគ្រឿងញៀនកញ្ចប់ធំ២ និង៤កញ្ចប់តូច, ទូរស័ព្ទដៃ១គ្រឿង, កូនជញ្ជីងថ្លឹង១, អត្តសញ្ញាណប័ណ្ណសញ្ជាតខ្មែរ២សន្លឹក ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ