ខេត្តកំពង់ឆ្នាំង ៖ ដើមស្វាយព្រៃមួយដើមបានបាក់មែកដ៏ធំមួយធ្លាក់ចំរបងសាលាខេត្តកំពង់ឆ្នាំង និងធ្លាក់មកកាត់ថ្នល់កៅស៊ូជាប់របងសាលាខេត្តមួយចំហៀង សំណាងល្អពុំមានអ្នករងគ្រោះក្នុងហេតុការណ៍នោះទេ ប៉ុន្តែបើសិនមែកស្វាយនោះបានធ្លាក់មុននេះមួយ
ខេត្តកំពង់ឆ្នាំង ៖ ដើមស្វាយព្រៃមួយដើមបានបាក់មែកដ៏ធំមួយធ្លាក់ចំរបងសាលាខេត្តកំពង់ឆ្នាំង និងធ្លាក់មកកាត់ថ្នល់កៅស៊ូជាប់របងសាលាខេត្តមួយចំហៀង សំណាងល្អពុំមានអ្នករងគ្រោះក្នុងហេតុការណ៍នោះទេ ប៉ុន្តែបើសិនមែកស្វាយនោះបានធ្លាក់មុននេះមួយម៉ោង ពិតជាចំកូនសិស្សដែលធ្លាប់ដើរទៅរៀនតាមរបងសាលាខេត្តនេះជាពុំខាន ព្រោះចំថ្ងៃសុក្រជាថ្ងៃក្មេងរៀន ។
ហេតុការណ៍នេះបានកើតឡើងនៅវេលាម៉ោង០៨ និង២០នាទីព្រឹកថ្ងៃទី២៧ មីនា ២០១៥ នៅរបងផ្នែកខាងកើតឈៀងខាងត្បូងរបស់សាលាខេត្តកំពង់ឆ្នាំង ស្ថិតនៅក្នុងសង្កាត់ប្អេរ ក្រុងកំពង់ឆ្នាំង ។
ប្រជាពលរដ្ឋដែលនៅក្បែរកន្លែងកើតហេតុបានឱ្យដឹងថា មែកស្វាយព្រៃមួយមែកធំនោះ មានមុខកាត់ជាងកន្លះម៉ែត្រ បានបាក់មែកមកស្រស់ៗតែម្តង មិនដឹងថា មកពីមូលហេតុអ្វីច្បាស់លាស់ឡើយ ហើយមែកស្វាយនោះ បានធ្លាក់មកលើចិញ្ចើមផ្លូវកៅស៊ូ និងរបងសាលាខេត្តខូតខាតប្រមាណជាង៤ម៉ែត្រ ។ ប៉ុន្តែអ្វីដែលចាត់ទុកថា ជាសំណាងល្អនោះ គឺមិនមានអ្នកណាម្នាក់រងរបួសឡើយ ព្រោះថា ចំណុចកើតហេតុនេះ គឺសិស្សសាលាបឋមសិក្សាគំរូក្រុង ធ្លាប់ដើរទៅរៀនមុនម៉ោង៧ព្រឹក និងចេញមកវិញក្រោយម៉ោង១១ថ្ងៃជា រៀងរាលថ្ងៃ ។
ប្រសិនបើមែកស្វាយនោះបាក់ចំម៉ោងសិស្សដើរវិញ ប្រាកដជាមានសិស្សសាលារងគ្រោះជាមិនខាន ។ ម្យ៉ាងវិញទៀត ការបាក់មែកស្វាយនោះ បណ្តាលឱ្យខ្សែភ្លើងធំៗបានដាច់ទាំងនៅមានចរន្តអគ្គិសនីទៀតផង គឺពិតជាអាចឱ្យរងគ្រោះដល់អ្នកធ្វើដំណើរឆ្លងកាត់ទីនោះជាក់ជាមិនខាន ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ