រាជធានីភ្នំពេញ ៖ លោក នុត ពុធដារ៉ា អភិបាលនៃគណៈអភិបាលខណ្ឌដង្កោបានដឹកនាំមន្ត្រីក្រោមឱវាទ ចុះទៅជួបសំណេះសំណាលសាកសួរសុខទុក្ខប្រជាពលរដ្ឋក្នុងភូមិឃ្លះសណ្តាយ សង្កាត់ពងទឹក ខណ្ឌដង្កោ កាលពីវេលាព្រឹកថ្ងៃទី០៣ មីនា ២០១៥ ព្រមទាំងទៅពិនិត្យមើលការជួសជុលផ្លូវក្រាលខ្សាច់ស០១ខ្សែ ប្រវែង៧០ម៉ែត្រ ជូនប្រជាពលរដ្ឋ ដែលផ្លូវនេះនៅរាល់ពេលរដូវវស្សាតែងតែលិចទឹក ហើយបច្ចុប្បន្នត្រូវបានពង្រីក និងលើកឲ្យខ្ពស់ បញ្ចៀសពីការលិចទឹកនៅរដូវវស្សាជូនអ្នកភូមិឃ្លះសណ្តាយ។
ក្រោយពីបានចុះពិនិត្យផ្លូវនៅភូមិឃ្លះសណ្តាយរួចមក លោកអភិបាលខណ្ឌបានបន្តចុះពិនិត្យមើលផ្លូវមួយខ្សែទៀត ដែលស្ថិតក្នុងភូមិត្រពាំងចក សង្កាត់ព្រៃវែង ដែលមានប្រវែង៦៧០ម៉ែត្រ តភ្ជាប់ពីផ្លូវព្រៃសទៅដល់ផ្លូវភូមិកំរៀង សង្កាត់ព្រៃវែង ជាផ្លូវអមប្រឡាយ ដែលប្រើប្រាស់ក្នុងការធ្វើដំណើររបស់សិស្សមកសិក្សានៅសាលាបឋមសិក្សា និងអនុវិទ្យាល័យសម្តេច ហ៊ុន សែន ព្រៃវែង ហើយបច្ចុប្បន្នកំពុងរងការខូចខាតដោយដីបាក់ចូលទៅក្នុងប្រឡាយ។
លោកអភិបាលខណ្ឌ បានសន្យានឹងជួសជុលផ្លូវនេះជូនប្រជាពលរដ្ឋ ដើម្បីសម្រួលការធ្វើដំណើរជូនបងប្អូនទាំងអស់៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ