ខេត្តក្រចេះ ៖ កម្លាំងសមត្ថកិច្ចចម្រុះដែលអាជ្ញាធរបង្កើតជាក្រុមត្រួតពិនិត្យចល័តពិសេស ដែលដឹកនាំដោយលោកអភិបាលរងខេត្ត បានបង្កើតយុទ្ធនាការទ្រង់ទ្រាយធំជាលើកទី២ ចុះផ្សព្វផ្សាយអប់រំណែនាំពន្យល់ពីច្បាប់ដល់ម្ចាស់រថយន្តដឹកកសិផលផ្សេងៗ ដើម្បីកុំ
ខេត្តក្រចេះ ៖ កម្លាំងសមត្ថកិច្ចចម្រុះដែលអាជ្ញាធរបង្កើតជាក្រុមត្រួតពិនិត្យចល័តពិសេស ដែលដឹកនាំដោយលោកអភិបាលរងខេត្ត បានបង្កើតយុទ្ធនាការទ្រង់ទ្រាយធំជាលើកទី២ ចុះផ្សព្វផ្សាយអប់រំណែនាំពន្យល់ពីច្បាប់ដល់ម្ចាស់រថយន្តដឹកកសិផលផ្សេងៗ ដើម្បីកុំឱ្យផ្ទុកលើសពីច្បាប់ទម្ងន់កំណត់ឱ្យដឹកជញ្ជូន មុននឹងឈានដល់ការផាកពិន័យ ។
សកម្មភាពចុះត្រួតពិនិត្យរថយន្តដឹកទំនិញធុនធំជាលើកទី២របស់អាជ្ញាធរខេត្ត ក្រោមការដឹកនាំពីរបស់លោកខណ្ឌ ចំណាន អភិបាលរងខេត្ត បានធ្វើឡើងនៅថ្ងៃទី០៣ មីនា ស្ថិតនៅលើផ្លូវជាតិលេខ៧៤ ក្នុងឃុំ២ធ្នូ ស្រុកស្នួល ជាប់និងព្រំដែនប្រទេសវៀតណាម ។
អាជ្ញាធរបានឱ្យដឹងថា កន្លងមក មានរថយន្តយីឌុបដឹកកសិផលកសិកម្មចំនួនរាប់រយគ្រឿងក្នុងមួយថ្ងៃៗ បានដឹកចេញពីខេត្តផ្សេងៗ សម្រុកយកមកលក់នៅព្រំដែនប្រទេសវៀតណាម តាមច្រកព្រំដែនអន្តរជាតិស្រុកស្នួល ហើយរាល់ការដឹកជញ្ជូន គឺមានមួយចំនួនធំ ត្រូវគេសន្និដ្ឋានថា ផ្ទុកលើសទម្ងន់កំណត់ ។
ជាមួយនិងសកម្មភាពរបស់ក្រុមការងារត្រួតពិនិត្យចល័តពិសេសនាថ្ងៃនេះ គឺក្រុមការងារជំនាញរបស់មន្ទីរសាធារណៈការ និងដឹកជញ្ជូនខេត្ត បានឃាត់រថយន្តធុនយីឌុបដឹកជញ្ជូនកសិផលដំឡូងមី មានចំនួនជាង៣០គ្រឿង និងក៏បានអប់រំដល់ម្ចាស់រថយន្តទាំងនេះ ឲ្យគោរពច្បាប់ការដឹកជញ្ជូន និងហានិភ័យមួយចំនួន ដែលបណ្តាលមកពីការផ្ទុកលើសទម្ងន់កំណត់ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ