អាជ្ញាធរខណ្ឌមានជ័យចុះសំអាតបរិស្ថានតាមដងផ្លូវជាតិលេខ២ ក្រោមប្រធានបទ «ទីក្រុងស្អាត»
រាជធានីភ្នំពេញ ៖ អាជ្ញាធរខណ្ឌមានជ័យ និងគណៈកម្មការចម្រុះដឹកនាំដោយលោកមា សុភាព អភិបាលរងខណ្ឌមានជ័យ និងមានការចូលរួមពីក្រុមយុវជនខណ្ឌ
រាជធានីភ្នំពេញ ៖ អាជ្ញាធរខណ្ឌមានជ័យ និងគណៈកម្មការចម្រុះដឹកនាំដោយលោកមា សុភាព អភិបាលរងខណ្ឌមានជ័យ និងមានការចូលរួមពីក្រុមយុវជនខណ្ឌ នៅព្រឹកថ្ងៃទី២៧ កុម្ភៈ 2015 បានចុះធ្វើអនាម័យសំអាតបរិស្ថាន និងស្តារប្រព័ន្ធលូ តាមបណ្តោយផ្លូវជាតិលេខ២ គិតចាប់ពីត្រឹមស្ពានអាកាសក្បាលថ្នល់ រហូតដល់រង្វង់មូលព្រះនរាយណ៍ ក្រោមប្រធានបទ “យុទ្ធនាការ ទីក្រុងស្អាត” ។
លោកមា សុភាព អភិបាលរងខណ្ឌបានឱ្យដឹងថា ការចុះធ្វើអនាម័យបរិស្ថាននេះ គឺអនុវត្តតាមបញ្ជាផ្ទាល់របស់លោកអភិបាលខណ្ឌពេជ្រ កែវមុនី ដែលតែងតែក្រើនរំលឹកដល់មន្ត្រីក្រោមឱវាទ ធ្វើយ៉ាងណាត្រូវត្រួតពិនិត្យឡើងវិញនូវបញ្ហាអនាម័យបរិស្ថាន ដែលជាបញ្ហាចម្បងក្នុងមូលដ្ឋាន ហើយមន្ត្រីគ្រប់រូបត្រូវចូលរួមគ្រប់គោលការណ៍របស់សាលារាធានី ក៏ដូចជាក្រសួងពាក់ព័ន្ធទាំងអស់ ក្នុងការបើកយុទ្ធសំអាតទីក្រុង ក្រោមពាក្យស្លោក «ទីក្រុងស្អាត រមណីដ្ឋានស្អាត សេវាល្អ» ។
លោកអភិបាលរងបន្តទៀតថា អាជ្ញារធរខណ្ឌមានជ័យនឹងបន្តសកម្មភាពរបស់ខ្លួនក្នុងការសំអាត បរិស្ថានអនាម័យ ( រើសសំរាម , ស្តារប្រព័ន្ធលូតាមបណ្តោយផ្លូវមួយចំនួន , និងគំនរ កាកសំណល់ផ្សេង .ល ) ដើម្បីថែរក្សាបរិស្ថានសាធារណៈ និងអនាម័យជូនបងប្អូនប្រជាពលរដ្ឋក្នុងមូលដ្ឋានក្នុងការរស់នៅឱ្យប្រកបដោយភាពសុខុដុមរមនា មិនមានជម្ញឺឈឺស្កាត់អ្វីកើតឡើងអ្វីទៅលើបងប្អូន និងជាពិសេសក្នុងគោលបំណងឈានទៅរកចលនា «ប្រកួតប្រជែង និងប្រលងប្រណាំងទីក្រុងស្អាត» របស់កម្ពុជា ៕
ចែករំលែកព័តមាននេះ