ប្រទះឃើញលលាដ៍ក្បាលមួយ និងខោខូវប៊យមនុស្សស្រី នៅក្នុងព្រៃ
ខេត្តឧត្តរមានជ័យ ៖ ប្រជាពលរដ្ឋចេញពីផ្ទះទៅមើលអន្ទាក់សត្វ ស្រាប់តែប្រទះឃើញលលាដ៍ក្បាល បំណែកឆ្អឹងដៃជើង និង
ខេត្តឧត្តរមានជ័យ ៖ ប្រជាពលរដ្ឋចេញពីផ្ទះទៅមើលអន្ទាក់សត្វ ស្រាប់តែប្រទះឃើញលលាដ៍ក្បាល បំណែកឆ្អឹងដៃជើង និងសំលៀកបំពាក់របស់សាកសពនៅក្នុងព្រៃ ដែលមានចម្ងាយពីភូមិជាង១គីឡូម៉ែត្រ បង្កឱ្យភ្ញាក់ផ្អើលកាលពីវេលាព្រឹកថ្ងៃទី៣០ មករា២០១៥ ស្ថិតនៅក្នុងភូមិអូររំដួល ឃុំព្រះប្រឡាយ ស្រុកត្រពាំងប្រាសាទ ។
បើតាមសម្តីប្រជាពលរដ្ឋដែលប្រទះឃើញបានរៀបរាប់ថា កាលពីព្រឹកថ្ងៃទី៣០ មករា នោះ ខ្លួនបានចាកចេញពីផ្ទះដើរទៅមើលអន្ទាក់នៅក្នុងព្រៃបរិស្ថានមានចម្ងាយជាង១គីឡូម៉ែតពីភូមិ ស្រាប់តែប្រទះឃើញលលាដ៍ក្បាល និងបំណែកឆ្អឹងដៃជើងរបស់សាកសព ហើយមានសម្លៀកបំពាក់មនុស្សស្រីចំនួនមួយកំប្លេ ដែលស្ថិតនៅក្បែរឆ្អឹង ។ បន្ទាប់ពីប្រទះឃើញហេតុការណ៍បែបនេះ រូបគាត់បានទៅរាយការណ៍ប្រាប់ប៉ូលិស និងផ្អើលដល់ប្រជាពលរដ្ឋអ្នកភូមិទៅចោមរោមមើល តែអ្នកភូមិនិយាយ ពុំមាននណាបាត់សមាជិកនោះទេ គេសង្ស័យថា សពស្ត្រីរូបនេះប្រហែលជាមនុស្សមកពីឆ្ងាយ ឬជាស្ត្រីខារ៉ាអូខេ ដែលពួកគេនាំយកមករំលោភរួចសម្លាប់ចោល ក៏អាចថាបានដែរ ។
ទាក់ទិនហេតុការណ៍នេះ កោះសន្តិភាពបានព្យាយាមទូរស័ព្ទទាក់ទងសុំការបំភ្លឺពីសមត្ថកិច្ចគ្រប់ស្ថាប័នមិនបាន ដូចជាមានការលាក់លៀមក្នុងករណីឃាតកម្មសម្លាប់មនុស្ស ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ