រាជធានីភ្នំពេញ ៖ លោកប៉ា សុជាតិវង្ស អភិបាលនៃគណៈអភិបាលរាជធានីភ្នំពេញរួមដំណើរដោយមន្ត្រីជំនាញ និងអាជ្ញាធរដែនដី កាលពីព្រឹកថ្ងៃទី២៤ មករា ២០១៥ បានអញ្ជើញទៅពិនិត្យមើល
រាជធានីភ្នំពេញ ៖ លោកប៉ា សុជាតិវង្ស អភិបាលនៃគណៈអភិបាលរាជធានីភ្នំពេញរួមដំណើរដោយមន្ត្រីជំនាញ និងអាជ្ញាធរដែនដី កាលពីព្រឹកថ្ងៃទី២៤ មករា ២០១៥ បានអញ្ជើញទៅពិនិត្យមើលដំណើរការកសាងហេដ្ឋារចនាសម្ព័ន្ធ រួមនឹងលំនៅដ្ឋានរបស់ប្រជាពលរដ្ឋនៅក្នុងសហគមន៍ភូមិអណ្តូង ដែលទើបបង្កើតថ្មីក្នុងសង្កាត់គោករការ ខណ្ឌព្រែកព្នៅ ក្នុងបំណងដើម្បីជំរុញឲ្យដំណើរការសាងសង់ឲ្យបានលឿន និងមានគុណភាពតាមស្តង់ដារបច្ចេកទេស។
មន្ត្រីសាលាខណ្ឌព្រែកព្នៅ បានឲ្យដឹងថា «ដោយសារតែស្ថានភាពរស់នៅមានការលំបាក និងមានភាពចង្អៀតណែនក្នុងសហគមន៍អណ្តូងទាំង៦ អាជ្ញាធររាជធានីភ្នំពេញបានសាងសង់លំនៅដ្ឋានថ្មីមួយទៀតដែលនៅចម្ងាយប្រមាណ៥០០ម៉ែត្រពីគ្នា ដើម្បីយកពលរដ្ឋក្រីក្រចំនួន៥១៧គ្រួសារទៅរស់នៅក្នុងតំបន់សហគមន៍ថ្មីនោះ ដែលមានគំរោងសាងសង់លំនៅដ្ឋានចំនួន៥០០ខ្នង តែបច្ចុប្បន្នសាងសង់ទើបតែបានចំនួន៣៣០ខ្នងប៉ុណ្ណោះ ដោយគ្រោងឲ្យរួចនៅអំឡុងខែមេសា ឆ្នាំ២០១៥ ខាងមុខនេះ ហើយការអភិវឌ្ឍន៍នៅសហគមន៍អណ្តូងនេះ ទទួលបានលទ្ធផលល្អប្រសើរក្រោមកិច្ចសហការជួយឧបត្ថម្ភពីទីក្រុងក្លេវេ ឡេន រដ្ឋថេនណេស៊ីសហរដ្ឋអាមេរិក និងសាលារាជធានីភ្នំពេញ ក្នុងការអភិវឌ្ឍន៍សហគមអណ្តូងពីទី១ ដល់ទី៦ ដោយបង្កើតឲ្យមានហេដ្ឋារចនាសម្ព័ន្ធត្រឹមត្រូវដូចជា ផ្លូវ, លូ, ទឹក, ភ្លើង, មណ្ឌលសុខភាព, សាលារៀន និងទីផ្សារជាដើម» ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ