ខេត្តពោធិ៍សាត់ ៖ បុរសវ័យចំណាស់ម្នាក់ត្រូវប៉ូលិសប៉ុស្ដិ៍រដ្ឋបាលធ្វើការឃាត់ខ្លួន បន្ទាប់ពីបានប្រើហិង្សាចាក់ប្រពន្ធ១កាំបិតត្នោតបណ្ដាលឱ្យរងរបួសធ្ងន់ ខណៈកំពុងបេះស្លឹកបាស់នៅក្បែររបងផ្ទះ ដើម្បីយកទៅស្ល កាលពីវេលាម៉ោង១០ព្រឹកថ្ងៃទី៣០ ធ្នូ ២០១៤ស្ថិតនៅភូមិលាវ សង្កាត់ចំរើនផល ក្រុងពោធិ៍សាត់ ។
ប្រភពបានឱ្យដឹងថា បុរសដែលចាក់ប្រពន្ធនេះឈ្មោះសោម ប៉ុន អាយុ៥១ឆ្នាំ ចំណែកឯប្រពន្ធរងគ្រោះឈ្មោះវ៉ន មី អាយុ៥២ឆ្នាំមានកូនក្នុងបន្ទុកចំនួន៧នាក់ រស់នៅក្នុងភូមិ-សង្កាត់កើតហេតុខាងលើ ។
បើតាមស្ត្រីជាប្រពន្ធបានឱ្យដឹងថា ប្ដីរបស់គាត់ធ្លាប់មានជំងឺសរសៃប្រសាទ ប៉ុន្តែបាត់យូរឆ្នាំមកហើយ មិនដែលធ្វើអ្វីខុសប្រក្រតី ឬបង្កបញ្ហាដល់គាត់ និងកូន ហើយនិងអ្នកដទៃទេ ។ លុះនៅព្រឹកថ្ងៃកើតហេតុ គាត់បានទៅបេះស្លឹកបាស់នៅតាមរបងក្បែរផ្ទះ ដើម្បីយកមកស្ល ខណៈកំពុងបេះ ស្រាប់តែប្ដីរបស់គាត់កាន់កាំបិតចិតត្នោតដើរទៅឈរពីក្រោយ គាត់ងាកក៏កាប់តែម្តង បណ្ដាលឱ្យមុតដៃហើយប្ដីរបស់គាត់ចាក់ចំពោះមួយកាំបិតទៀត ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ