ខេត្តបាត់ដំបង ៖ បុរសវ័យ៦០ប្លាយឆ្នាំម្នាក់ ដែលមានតួនាទីជាសមាជិកគណៈកម្មការវត្តផង ត្រូវបានស្ត្រីចុងភៅប្រចាំវត្តម្នាក់ ប្ដឹងចោទប្រកាន់ពីបទ «រំលោ.ភសេពសន្ថវៈ» កាលពីសប្ដាហ៏មុន
ខេត្តបាត់ដំបង ៖ បុរសវ័យ៦០ប្លាយឆ្នាំម្នាក់ ដែលមានតួនាទីជាសមាជិកគណៈកម្មការវត្តផង ត្រូវបានស្ត្រីចុងភៅប្រចាំវត្តម្នាក់ ប្ដឹងចោទប្រកាន់ពីបទ «រំលោភសេពសន្ថវៈ» កាលពីសប្ដាហ៏មុន នៅភូមិបឹងប្រី ឃុំស្នឹង ស្រុកបាណន់ បន្ទាប់ពីរឿងអាស្រូវនេះបែកធ្លាយដោយសារតែតាគណៈកម្មការវត្តរូបនេះ រពឹសមាត់ដើរនិយាយផ្ដេសផ្ដាស ក្រោយពីបានឡើងឋានសួគ៏ជាមួយគ្នារួច ហើយត្រូវសមត្ថកិច្ចឃាត់ខ្លួនកាលពីរសៀលថ្ងៃទី២១ធ្នូ ២០១៤ ក្រោយពីសមត្ថកិច្ចទទូលពាក្យបណ្ដឹងពីស្ត្រីរងគ្រោះ ។
លោកសន លុច នាយរងការិយាល័យនគរបាលព្រហ្មទណ្ឌកំរិតធ្ងន់បានឲ្យដឹងថា ជនសង្ស័យឈ្មោះមិន សារុន ហៅលន អាយុ៦៦ឆ្នាំ ជាសមាជិកគណៈកម្មការ នៅវត្តបឹងប្រី នៅភូមិ ឃុំខាងលើ រីឯស្ត្រីដែលអះអាងថា ខ្លួនជាជនរងគ្រោះនោះមានអាយុ៤៧ឆ្នាំ ខ្លួនត្រូវតាគណៈកម្មការវត្តឈ្មោះលន ចាប់រំលោភ នៅម៉ោងជាង១១យប់ ថ្ងៃទី១៦ធ្នូ ២០១៤ តែមិនបានប្ដឹងទៅសមត្ថកិច្ចភា្លមៗទេ លុះប៉ុន្មានថ្ងៃក្រោយរឿងនេះបែកធ្លាយដល់ប្ដី និងបែកខ្ចរខ្ចាយស្អុយពេញភូមិ ទើបស្ត្រីរូបនេះ ប្ដឹងឲ្យសមត្ថកិច្ចចាត់ការ ដោយចោទតាគណៈកម្មការវត្តនោះថា បានចាប់រំលោភខ្លួន ។
លោកសន លុច បានបន្តថា តាគណៈកម្មការវត្តបឹងប្រី បានបដិសេធចំពោះការចោទប្រកាន់ខាងលើ ប៉ុន្តែគាត់បានសារភាពថា ពិតជាបានរួមមេត្រីជាមួយស្រ្តីនោះមែន តែជាការព្រមព្រៀងគ្នាជាមុន។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ