យោងតាមគេហទំព័របរទេស Billboad ចេញផ្សាយកាលពីពេល ថ្មីៗនេះឱ្យដឹងថា តារាចម្រៀង និងជាអ្នកនិពន្ធបទចម្រៀងអាមេរិក វ័យ២៤ឆ្នាំ នាងថៃល័រ ស្វ៊ីស ទទួលពានរង្វាន់ Dick Clark Award For Excellence ក្នុងព្រឹត្តិការណ៍ពានរង្វាន់តន្ត្រីអាមេរិកឆ្នាំ២០១៤ ធ្វើឡើងកាលពីថ្ងៃទី២៣ វិច្ឆិកា
យោងតាមគេហទំព័របរទេស Billboad ចេញផ្សាយកាលពីពេល ថ្មីៗនេះឱ្យដឹងថា តារាចម្រៀង និងជាអ្នកនិពន្ធបទចម្រៀងអាមេរិក វ័យ២៤ឆ្នាំ នាងថៃល័រ ស្វ៊ីស ទទួលពានរង្វាន់ Dick Clark Award For Excellence ក្នុងព្រឹត្តិការណ៍ពានរង្វាន់តន្ត្រីអាមេរិកឆ្នាំ២០១៤ ធ្វើឡើងកាលពីថ្ងៃទី២៣ វិច្ឆិកា ២០១៤ នៅសាលមហោស្រព ក្នុងទីក្រុងឡូសអេនចឺឡេស រដ្ឋកាលីហ្វ៊័រនីញ៉ា សហរដ្ឋអាមេរិក ។
គ្រងឈុតសម្លៀកបំពាក់ពណ៌បៃតងខ្ចីរចនាម៉ូដស្រស់ស្អាតពេលទទួលពានរង្វាន់ ថៃល័រស្វ៊ីស និយាយថា «នេះជាលើកទី១ សម្រាប់នាងខ្ញុំដែលទទួលពានរង្វាន់តារាចម្រៀងឆ្នើមប្រចាំឆ្នាំ» ។
បទចម្រៀងថ្មីដែលទទួលបានការគាំទ្រច្រើនរបស់នាងថៃល័រ ស្វ៊ីស គឺបទ «ឆ្នាំ១៩៨៩» និងបទ «Out of Woods» ។ ក្រៅពីវត្តមាននាងថៃល័រ ស្វ៊ីស ក៏មានតារាល្បីជាច្រើនរូបទៀតទទួលពានរង្វាន់ផងដែរ រួមមានក្រុមចម្រៀងឆ្នើមប្រចាំឆ្នាំ២០១៤ បានទៅលើក្រុមចម្រៀងអង់គ្លេសបុរស One Direction និងតារាចម្រៀងរ៉ុកគឺនាង Katy Perry ។
ថៃល័រ ស្វ៊ីស កើតថ្ងៃទី១៣ ធ្នូ ឆ្នាំ១៩៨៩ នៅសហរដ្ឋអាមេរិក មានកម្ពស់១,៧៨ម៉ែត្រ ។ នាងប្រឡូកក្នុងវិស័យសិល្បៈក្នុងឆ្នាំ២០០៤ និងល្បីល្បាញមកដល់ពេលបច្ចុប្បន្ន ៕
ចែករំលែកព័តមាននេះ