ខេត្តបន្ទាយមានជ័យ ៖ កម្លាំងសមត្ថកិច្ចប៉ូលិសនៃអធិការដ្ឋានស្រុកម៉ាឡៃ បានឃាត់ខ្លួនជនសង្ស័យម្នាក់ ជាប់ព័ន្ធនិងសកម្មភាព លួចម៉ូតូកាលពីវេលាម៉ោង៧និង៤៥នាទី យប់ថ្ងៃទី២៥ វិច្ឆិកា ២០១៤ នៅចំណុចផ្លូវលេខ៥៩ ស្ថិតក្នុងភូមិសង្កែ ឃុំបឹងបែង ស្រុកម៉ាឡៃ ខេត្តបន្ទាយមានជ័យ ។ លោក សៅ ប៊ុន អធិការស្រុកម៉ាឡៃបានឱ្យដឹងថា ជនសង្ស័យដែលសមត្ថកិច្ចឃាត់ខ្លួនឈ្មោះ ចាន់ ថា ភេទប្រុស អាយុ២៣ឆ្នាំ ស្នាក់នៅភូមិកើតហេតុខាងលើ ។
លោក សៅ ប៊ុន អធិការបានបន្តទៀតថា ជនសង្ស័យរូបនេះ បានធ្វើសកម្មភាពលួចម៉ូតូរបស់ជនរងគ្រោះ ឈ្មោះ ទឹម រ័ត្ន ភេទប្រុស អាយុ៣៥ឆ្នាំ រស់នៅភូមិជាមួយគ្នា ខណៈពេលដែលកូនរបស់ម្ចាស់ ម៉ូតូចេញ ពីសាលារៀន ហើយកម៉ូតូ មកចតនៅចិញ្ចើមផ្លូវមុខផ្ទះក៏ត្រូវជនសង្ស័យរូបនេះធ្វើសកម្មភាពលួចយកតែម្តង ។លោក សៅ ប៊ុន បានបញ្ជាក់ទៀតថា ពាក់ព័ន្ធនិងករណីលួចម៉ូតូ ខាងលើនេះ ក្រោយពី ទទួលព័ត៌មានពី ម្ចាស់ម៉ូតូភ្លាមនោះ កម្លាំងនគរបាលរបស់លោក សហការជាមួយកម្លាំងកងរាជអាវុធហត្ថស្រុកនិងនគរបាល ព្រំដែនដែនគោកលេខ៨១៥ ចុះទៅជួយអន្តរាគមន៍ភ្លាមៗដើម្បីទប់ស្កាត់បទល្មើសលុះ៣០នាទីក្រោយមក កកម្លាំងចម្រុះឃាត់ចាប់យកបានម៉ូតូ របស់ជនរងគ្រោះ មករក្សានៅស្នាក់ការសន្តិសុខ៩៩៩ របស់រាជអាវុធ ស្រុកម៉ាឡៃ រីឯចំណែកជនសង្ស័យ បានរត់គេចខ្លួនបាត់ ។
លោក សៅ ប៊ុន បានបញ្ជាក់ថា ក្រោយពីមានការណែនាំពីសំណាក់លោកឧត្តមសេនីយ៍ត្រីស្នងការនគរបាលខេត្ត និងប្រើវិធានការជំនាញរួចមកលុះដល់ថ្ងៃទី២៦ ខែវិច្ឆិកា ឆ្នាំ២០១៤ វេលាម៉ោង០៩និង៤៥នាទី ព្រឹកទើបកម្លាំងរបស់លោក សហការជាមួយនគរបាលព្រំដែន៨១៥ បានឃាត់ខ្លួនជនសង្ស័យ នៅចណុច ភូមិអូរសំព័រ ឃុំអូរសំព័រ ស្រុកម៉ាឡៃ ហើយបញ្ជូនមកកាន់អធិការដ្ឋាននគរបាលស្រុកដើម្បីសួនាំរួចរៀបចំកសាងសំណុំរឿង បញ្ជូនទៅកាន់ស្នងការដ្ឋាន នគរបាលខេត្តបន្ទាយមានជ័យ ដើម្បីចាត់ការបន្តតាមនិតិវិធីច្បាប់តែម្តង ។ ដោយឡែកម៉ូតូរបស់ជនរងគ្រោះត្រូវបានសមត្ថកិច្ច ប្រគល់ជូនម្ចាស់វិញផងែរ។
ចែករំលែកព័តមាននេះ