រាជធានីភ្នំពេញ ៖ រថយន្តដឹកគ្រឿងចក្រមួយគ្រឿង បើកទាក់ខ្សែភ្លើងដាច់មួយដុំ និងទ្រេតបង្គោលភ្លើងមួយដើម មិនតែប៉ុណ្ណោះពេលដែលដាច់ខ្សែភ្លើងរាយប៉ាយពេញផ្លូវនោះ បានធ្លាក់វាត់ទៅលើប្តី-ប្រពន្ធ និងកូនដែលកំពុងតែជិះម៉ូតូនៅខាងក្រោយរថយន្តបណ្តាលឱ្យដួលរងរបួសធ្ងន់ កាលពីវេលាម៉ោង០៨ និង៣០នាទីយប់ថ្ងៃទី២៤ វិច្ឆិកា ២០១៤ ស្ថិតនៅមុខវិទ្យាល័យបាក់ទូក តាមផ្លូវលេខ១៦៩ សង្កាត់វាលវង់ ខណ្ឌ៧មករា ។
ប្រភពបានឱ្យដឹងថា ខ្សែភ្លើងមួយដុំខាងលើនេះ គឺរយៈពេលកន្លះខែមកហើយ មានរថយន្តមួយគ្រឿងបើកទាក់ធ្វើធ្លាក់យារទាបមកលើផ្លូវ ដោយសមត្ថកិច្ចបានរាយការណ៍ទៅខាងអគ្គិសនីកម្ពុជា តែដោយសារតែចាប់រថយន្តបង្កមិនបាន ដើម្បីទារសំណងខាងអគ្គិសនីកម្ពុជាមិនបានមកចងទាញខ្សែភ្លើងវិញទេ ទុកឱ្យនៅធ្លាក់យារពេញលើផ្លូវ ។
ប្រភពបន្តថា សមត្ថកិច្ចខ្លាចមានរថយន្តបើកទាក់ខ្សែភ្លើងបន្តទៀត ក៏នាំគ្នាឡើងចងខ្សែភ្លើងនោះវិញ លុះដល់យប់ថ្ងៃកើតហេតុស្រាប់តែមានរថយន្តពណ៌លឿង ពាក់ស្លាកលេខ AT 14.3.0013 ដឹកគ្រឿងចក្រច្រង៉េងច្រង៉ាងមួយគ្រឿង ជិះគ្នា៣នាក់ តៃកុងនិងព្រូ២នាក់ បើកបរពីត្បូងជើងមក ដល់ចំណុចខាងលើបានទាក់ខ្សែភ្លើងមួយដុំធំ រួមមានទាំងខ្សែភ្លើង ខ្សែកាប ខ្សែទូរស័ព្ទ ជាដើម បានដាច់ធ្លាក់រាយប៉ាយពេញផ្លូវ និងធ្វើឱ្យទ្រេតបង្គោលខ្សែភ្លើងអស់មួយដើមទៀតផង ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ