ខេត្តក្រចេះ ៖ ប៉ូលិសស្រុកស្នួល កាលពីរសៀលថ្ងៃទី២២ វិច្ឆិកា បានឆ្មក់បង្ក្រាប ទីតាំងសង្វៀនបញ្ជល់មាន់ មានបង្កប់ល្បែងអាប៉ោងមួយកន្លែងដែលបានលួចធ្វើសកម្មភាពលេងភ្នាល់ខុសច្បាប់នៅក្នុងព្រៃចម្ការកៅស៊ូ ខាងក្រោយឃុំស្រែចារ ស្រុកស្នួល។
យ៉ាងណាក៏ដោយប៉ូលិស្រុកស្នួលបានឲ្យដឹងថា ក្នុងប្រតិបត្តិការបង្ក្រាបទីតាំងល្បែងស៊ីសងខុសច្បាប់នេះ គឺសមត្ថកិច្ចពុំបានចាប់ឃាត់ខ្លួនជនណាម្នាក់នោះទេ ដោយក្រុមអ្នកញៀនល្បែងទាំងអស់បានរត់គេចខ្លួនក្រោយពីដឹងខ្លួនទាន់ បន្សល់ទុកតែសម្ភារសម្រាប់បំរើឲ្យការលេងភ្នាល់មួយចំនួន ដូចជា មាន់អាគកមួយចំនួន និងតុសម្រាប់បាញ់អាប៉ោង ព្រមទាំងសម្ភារមួយចំនួនទៀត គឺត្រូវកម្លាំងនគរបាលរឹបអូសទាំងអស់។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ