រាជធានីភ្នំពេញ ៖ យុវជន២ក្រុមគ្រាន់តែជិះម៉ូតូវ៉ាគ្នាទៅវិញទៅមកសម្លឹងមុខឌឺដងដាក់គ្នាក៏កើតជាជម្លោះដេញតាមធាក់ម៉ូតូផ្តួល ហើយកា.ប់ម៉ូតូចំនួន៤កាំបិត តែមិនបានកា.ប់មនុស្សរងរបួសទេ ។ ហេតុការណ៍នេះបានកើតឡើងកាលពីវេលាម៉ោង៤ និង១០នាទីល្ងាច ថ្ងៃទី២២ វិច្ឆិកា នៅមុខមន្ទីរពេទ្យមិត្តភាពខ្មែរសូវៀត តាមផ្លូវលេខ២៧១ សង្កាត់ទំនប់ទឹក ខណ្ឌចំការមន ។
រាជធានីភ្នំពេញ ៖ យុវជន២ក្រុមគ្រាន់តែជិះម៉ូតូវ៉ាគ្នាទៅវិញទៅមកសម្លឹងមុខឌឺដងដាក់គ្នាក៏កើតជាជម្លោះដេញតាមធាក់ម៉ូតូផ្តួល ហើយកាប់ម៉ូតូចំនួន៤កាំបិត តែមិនបានកាប់មនុស្សរងរបួសទេ ។ ហេតុការណ៍នេះបានកើតឡើងកាលពីវេលាម៉ោង៤ និង១០នាទីល្ងាច ថ្ងៃទី២២ វិច្ឆិកា នៅមុខមន្ទីរពេទ្យមិត្តភាពខ្មែរសូវៀត តាមផ្លូវលេខ២៧១ សង្កាត់ទំនប់ទឹក ខណ្ឌចំការមន ។
ជនបង្កមានគ្នា៣នាក់ជិះម៉ូតូហុងដាឌ្រីម ពណ៌ខ្មៅ ពាក់ស្លាកលេខ ភ្នំពេញ 1BD 6073 បើកបរដោយឈ្មោះ សៅ ពិយោ ភេទប្រុស អាយុ១៥ឆ្នាំ ជាសិស្សថ្នាក់ទី៩ វិទ្យាល័យទួលស្វាយព្រៃ ស្នាក់នៅភូមិចំរើនផល សង្កាត់បឹងទំពុន ខណ្ឌមានជ័យ អ្នករួមដំណើរជាមួយមានឈ្មោះ ថៃ គឹមសេង ភេទប្រុស អាយុ១៦ឆ្នាំ ជាសិស្សថ្នាក់ទី១០ វិទ្យាល័យទួលស្វាយព្រៃ ស្នាក់នៅភូមិព្រែកទាល់ សង្កាត់ស្ទឹងមានជ័យ ខណ្ឌមានជ័យ និងម្នាក់ទៀតមានឈ្មោះ សេង ណារ៉ា ភេទប្រុស អាយុ១៥ឆ្នាំ ជាសិស្សថ្នាក់ទី៩ វិទ្យាល័យ ទួលស្វាយព្រៃ ស្នាក់នៅភូមិចំរើនផល សង្កាត់ស្ទឹងមានជ័យ ខណ្ឌមានជ័យ ។
ចំណែកជនរងគ្រោះមានគ្នា២នាក់បើកបរម៉ូតូដោយឈ្មោះ ហាស់ សោភណ្ឌ ភេទប្រុស អាយុ១៧ឆ្នាំ មុខរបរជួយលក់ដូរម្តាយនៅផ្ទះ ស្នាក់នៅភូមិព្រែក សង្កាត់ច្បារអំពៅទី១ ខណ្ឌច្បារអំពៅ និងមិត្តភក្កិដែលរួមដំណើរជាមួយឈ្មោះ សាន់ និរុណ ភេទប្រុស អាយុ២៣ឆ្នាំ មុខរបរនិងស្នាក់នៅដូចគ្នា ។
បើតាមសម្តីរបស់ជនរងគ្រោះបានឲ្យដឹងថា មុនពេលកើតហេតុខ្លួនជិះម៉ូតូ PCX ពណ៌ក្រហម ពាក់ស្លាកលេខ ភ្នំពេញ 1AY 9569 ជិះគ្នា២នាក់ ទិសដៅពីជើងទៅត្បូង ស្របគ្នាជាមួយម៉ូតូបង្ក ខណៈមកដល់ចំណុចខាងលើស្រាប់តែម៉ូតូទាំងពីរគ្រឿងជិះវ៉ាទៅវិញទៅមក ហើយសម្លឹងមុខឌឺដងដាក់គ្នា ធ្វើឲ្យជនបង្កដែលមានកាំបិតបុ័ងតោនៅជាប់នឹងខ្លួនបានជិះម៉ូតូដេញតាម ហើយ ឈ្មោះ សេង ណារ៉ា ជាអ្នកធាក់ផ្តួលម៉ូតូជនរងគ្រោះ ចំណែកឈ្មោះ ថៃ គឹមសេង ជាអ្នកចុះទៅកាប់ម៉ូតូចំនួន៤បុ័ងតោ ធ្វើឲ្យខូចខាតម៉ូតូ តែមិនបានកាប់ជនរងគ្រោះ ។
ក្រោយពេលកើតហេតុជនបង្កប្រញាប់ប្រញាល់ឡើងជិះម៉ូតូរត់គេចចូលទៅក្នុងកោះពេជ្រ ធ្វើឲ្យជនរងគ្រោះជិះម៉ូតូដេញតាមជាប់រហូតប្រទះឃើញបានប្តឹងសន្តិសុខកោះពេជ្រឲ្យជួយឃាត់ខ្លួនជនបង្កដែលមានលាក់ទុកកាំបិតបុ័ងតោ ទើបសន្តិសុខប្រទះឃើញកាំបិតបុ័ងតោក៏ធ្វើការឃាត់ខ្លួនប្រគល់ឲ្យនគរបាលប៉ុស្តិ៍ទន្លេបាសាក់យកទៅសាកសួរ ធ្វើកំណត់ហេតុដឹងថា រឿងកើតហេតុនៅប៉ុស្តិ៍នគរបាលទំនប់ទឹកក៏បញ្ជូនជនបង្កនិងជនរងគ្រោះទៅប៉ុស្តិ៍ទំនប់ទឹកដោះស្រាយបន្តទៀត ។
បន្ទាប់ពីឃាត់ខ្លួនជនបង្កបានហើយ ជនរងគ្រោះបានទាមទារសំណង៤០០ដុល្លារ តែជនរងគ្រោះសង២០០ដុល្លារ ការចរចាគ្នាមិនទាន់ត្រូវរ៉ូវគ្នានៅឡើយទេ ៕
ចែករំលែកព័តមាននេះ