ខេត្តកំពង់ឆ្នាំង ៖ ជនសង្ស័យប្រុសស្រីចំនូន៣នាក់ត្រូវបានកម្លាំងនគរបាលក្រុងកំពង់ឆ្នាំង សហការជាមួយនគរបាលការិយាល័យប្រឆាំងគ្រឿងញៀនខេត្ត ធ្វើការចាប់ឃាត់ខ្លួនបាននៅវេលា៩និង៣០នាទី ព្រឹកថ្ងៃទី ២២ខែវិច្ឆិកា ឆ្នាំ២០១៤ ខណៈពួកគេទាំង៣នាក់កំពុងប្រើប្រាស់ និង ចែកចាយថ្នាំញៀន នៅក្នុងផ្ទះមួយ ក្នុងភូមិ
ខេត្តកំពង់ឆ្នាំង ៖ ជនសង្ស័យប្រុសស្រីចំនូន៣នាក់ត្រូវបានកម្លាំងនគរបាលក្រុងកំពង់ឆ្នាំង សហការជាមួយនគរបាលការិយាល័យប្រឆាំងគ្រឿងញៀនខេត្ត ធ្វើការចាប់ឃាត់ខ្លួនបាននៅវេលា៩និង៣០នាទី ព្រឹកថ្ងៃទី ២២ខែវិច្ឆិកា ឆ្នាំ២០១៤ ខណៈពួកគេទាំង៣នាក់កំពុងប្រើប្រាស់ និង ចែកចាយថ្នាំញៀន នៅក្នុងផ្ទះមួយ ក្នុងភូមិសំរោង សង្កាត់កំពង់ឆ្នាំង ក្រុងកំពង់ឆ្នាំង ។
លោក ញ៉ោក ប៊ុនធី អធិការរងនគរបាលក្រុងកំពង់ឆ្នាំងបាននិយាយឱ្យដឹងថា ដោយមានសេចក្តីរាយការណ៍ល្អ ពីប្រជាពលរដ្ឋ ទើបសមត្ថកិច្ចនគរបាលក្រុង និង ខេត្ត បានសហការគ្នាហើយបានចូលទៅចាប់ខ្លួនជនសង្ស័យទាំង៣នាក់ខាងលើខណៈដែលពួកគេកំពុងចែកចាយនិង ប្រើប្រាស់ថ្នាំញៀននៅលើផ្ទះតែម្តង ។
លោកបានបន្តថា ជនសង្ស័យទាំ៣នាក់មាន១. ឈ្មោះ ម៉ៅ ចំរើន ហៅសី ហៅម៉ៅ សី អាយុ៣០ឆ្នាំ ជាមុខសញ្ញាចែកចាយ និង ប្រើប្រាស់ថ្នាំញៀន ហើយជាម្ចាស់ផ្ទះ ២. ប៊ុន ច័ន្ទថុល ភេទប្រុស អាយុ៣២ឆ្នាំ មានទីលំនៅ ភូមិទី៤ សង្កាត់ខ្សាម ក្រុងកំពង់ឆ្នាំង និង៣.ឈ្មោះ អ៊ី រតនា ភេទស្រី អាយុ២៣ឆ្នាំ មានទីលំភូមិ សំរោងសែន ឃុំសំរោងសែន ស្រុកកំពង់លែង ។ វត្ថុតាងដែលរឹបអូសបានមាន សាច់ជូ១ដុំ សម្ភារសម្រាប់ជក់មួយចំនួនលុយ៧ម៉ឺន៥ពាន់រៀល និងទូរស័ព្ទដៃ១គ្រឿង ។
ជនសង្ស័យខាងលើនេះ ត្រូវបានមន្ត្រីនគរបាលខេត្តកសាងសំណុំរឿងបញ្ជូនទៅតុលាការដើម្បីចាត់ការតាមនិតិវិធី ។
ចែករំលែកព័តមាននេះ